MEXMÛR - Cinîyê Wargeha Şehîd Rûstem Cûdî (MEXMÛR) ke reaksîyon mojnayî tecrîdo girankerdeyê serê Rayberê PKKî Abdullah Ocalanî û dîyar kerdî ke waştişê înan o yo ke zanayîşêke Rayberê xo ra bigîrê.

 

Seba peynîkerdişê tecrîdo girankerde yê Îmralî her cayê dinya de Kurdistanî mîyanê çalakîyan de yê. Wargehê Şehîd Rûstem Cûdi (Mexmûr) zî hemwelatî rewşa Rayberê PKKî Abdullah Ocalanî ra endîşeyîn ê û mîyanê hewildayîşê zanayîş girewtişî de yê. Cinîyê wargehî dîyar kerdî ke ê êdî wazenê zanayîşêke Rayberê xo ra bigîrê.

 

'Ma êdî wazenê bi Rayberê xo dir bicuyê'

 

Cinîyê wargehî ra Hacer Toke da zanayîş ke aye heta peynî bi Serekê xo dir bê û wina wa: "Serekê ma serekê temamê merdimayî yo û seba merdamîyî têkoşîn dano. Serekê ma heme netew û bawerîyan pawenê. Ma waştişê ke bi rayberê xo dir bicuyê kenê."

 

'Ma zî Serekê xo ra bê zanayîş ê'

 

Cinîya bi nameyê Nurê Kartale zî arde ziwan ke eke destur nêdê kesêke bîn zî seba pêvînayîşê bi serekê înan rê wa destûr bidê ke keyeyê ey şêro bi rayberê înan dir pêvînayîş bikero ke zanayîşêke Îmralî bigîrê û wina va: "Her cayê dinya de her kes şino pêvînayîşê hepsîyê xo. Ma tena Serekê xo ra bêxebere yê, na rewşe do heta key dewam bikera. Eke destur nêdê kesêke bîn zî lazimê keyeyî şêrê ke ma rayîrê înan ra zanayîşêke Rayberê xo ra bigîrê. Ma êdî nêeşkenê bê zanayîşêke rayberê xo ra bigîrê bicuyê. Seba nê zî lazim o waştişê ma verê çiman de bêro girewtiş."