ŞIRNEX - Wezaretê Bajarwanî û Derûdorî ke Şirnex de seba rijnayîşê keyeyê ke kewtê qerarê ‘waro bi rîsk’ wext dabi şarî. Cinîya bi nameyê Nurê Îdîne dîyar kerde ke selahîyetdarê wezaretî dîyar kerdê ke rewşa ke dest 75 TL yê seba ziraro giran yeno dayîş vera bidê, do keyeyê înan nêrê rijnayîş.

 

Şirnex de wextê qedexeyê tebervejîyayîşê kuçeyan de sera 70ê keyeyan ameyî rijnayîş û TOKÎyê ke vera înan ameyî viraştiş zî hema nêameyê teslîmkerdiş. Xêrcê keyeyê ke rijyayê zirarêke giran vînayîbî zî mendibî û şarî newe ra awan kerd. La seba nê taxan zî qerarê ‘warê bi rîsk’ ameyî padayîş. Goreyê qerarê Rojnameyê Fermî de ame weşnayîş de keyeyê ke mendê zî do wextêke kilm de bêrê rijnayîş.

 

‘Pereyê kira û hetkarî bidê’

 

Dimayê qerarê xebatkarê Wezaretê Bajarwanî û Hawirdorî keyan de geyrayî û taxa Yeşîlyurtî seba keyeyê xo ra vejîyê wext dayî hîn keyeyan. Keyeyan dimayê pêrodayîşan keyeyê înan yê zirarê pîl vînabî bi îmkananê xo awan kerdî. Ame zanayîş ke wezaretî hîn keyeyan ra vato ‘eke şima nêwazenê keyeyê şima bêro rijnayîş, pereyê heta nika seba kira û hacetan dayê, reyna bidê ma'. Cizîr de zî eynî metod dabî û seba keyeyan wina vatî ‘Seba zirarê keyeyê xo pere ma ra nêgênê, ma zî sey keyeyî nêrijnê'.

 

‘Seba keye nêrijnê ma fek heme waştişê xo vera da'

 

Hemwelatiyan da zanayîş ke do sere rayîrê huqûqî bidê û va heta nika xêrcê 6 hezar TL pereyê hacetan wetayîr seba zirarê tu çîyêk nêwaştê. Hemwelatîyê taxe Nurê Îdîne dîyar kerde ke seba keyeyê înan nêrê rijnayîş fek heme waştişanê xo vera dayê û va ê nêwazenê dewlete ra pere bigirê.

 

‘Ma 7 aşman çaran çadire de mendî'

 

Nurê wina va: "Pêrodayîşan de ma mecbur mendî vejîyê. Ma bi aşman çadire de mendî. 7 aşmî ma çadire de mendî. Ma 4 keyeyî çadire de cuyayî. Domanê ma her roje herre de mendêne. Domanê ma nêweş kewtî. Kepçeyan keyeyê ma derb kerdib. Yê ke wezaret ra ameyî raporê zirarî girewtî. Ma tena 6 hezar pereyê hacetê elektîrîkî girewtî. Dima ra ma keyeyê xo viraşt. Hewteyo peyîn de şîyar kerdî ma keye ra vejîyê. Ma zî va ma nêvejênê. Mêrdeyê mi şi ofîsê îrtîbatî. Înan zî vato fek 75 hezar TL pereyî seba zirar ameyo birnayîş vera bidê do keyeyê şima nêro rijnayîş. Ma dewlete ra çîyêk nêwazenê wa pere nêdê.”