MERKEZÊ XEBERAN - Koordîsyonê RAJINe rojnameger Denîz Firate ke serra 2014 de Mexmûr de hêrişê DAÎŞî de cuya xo vinî kerde arde vîr û va ê do her wext taqîbkerdoxê têkoşînê Denîz Firate bê.

 

Koordînasyonê RAJINe bi îzahatêke Denîz Firate ardî vîr û vatî ê soz danê ke do rêça Denîz Firate taqîb bikerê û xoverdayîşê aye girs bikerê.

 

RAJINe îzahat de arde vîr ke Denîz Firat û keyeyê aye dimayê polîtîkayên veşnayîşê dewê vakurê Kurdistanî serrê 90an de koçê Başûrê Kurdistanî kerdê, Denîz Firat û di wayê aye sereyê xo tedayê tirkî rê nêtewênayê û bi kesayetê xoverdayox zerrîya kurdan de ca girewtê.

 

Dewamê îzahatî de ame vatiş ke Denîz Firate bîya wayîrê.hişmendiyê ke teslîmî teda nêba û wina ame vatiş: "Denîz Firate rayşîyayîşê rayîrê azadî daya vernîya xo, mîrasê çapemenîya cinîya azad Ş. Gurbetellî Ersoz ke bi qelem, çek, zerrî û mezgê xo bîya sembolê xoverdayîşê azadî, dewr girewta. Hemrayîrê ma Denîz Firate vera her tewir nêheqî, hêriş û sîstemê teda yê dewleta tirkan ê kurdan ser, pelçiqnayîşê cinîya û bawerîyan domanîya xo ra xo ver daya û rîyê tarî yê DAÎŞî ke rêxistinkerdişê tewr xof ê dewleta tirkî bî mojnaya dinya  û bi nê amancî qet dizerrî nêbîya ke cuya xo nêdo."

 

RAJINe tewr peyîn va ê do rayîrê Denîzan de bimeşê û va, "Serra 5in de ma reyke bîn zî embaza xo Denîz Firat û heme şehîdê çapemenîya azad anê xo vîr, ma soz danê ke rolê xo yê têkoşînê azadiya şaran û cinîyan de bikerê."