ENQERE- Sereka Pêroyî ya EMEPî Selma Gurkane dîyar kerde ke hewl yeno dayîş ke muxalefetê komelî serê HDPyî de bêveng bikerê û wina va: "Do bi heme hetê komelî vindertişêke bi qerar mojnenê ra, ma mecburê têkoşînê demokrasî bikerê yew." 

 

Sereka Partîya Kede (EMEP) ke weçînayîşê 24ê hezîrane de piştdayîş dayî HDPyî, Selma Gurkane dîyar kerde ke hewl yeno dayîş ke muxalefetê komelî serê HDPî bêro bêvengkerdiş.

 

Selmaye derheqê babete de wina qisey kerde: "Rejîmê sîyasî yê Tirkîya nêwazeno muxalefetêke wina vernîya xo de bivîno. Vatişê Wezîr Soylu reyke bîn zî Erdogan reyna kerdo. Înan vatê ke ‘Yê piştdayîş dayê HDPyî do hesabê ci bidê'. Erdoganî zî talîmatê ke wina dayo. Wazenê muxalefetê serê HDPî ra bêveng bikerê.”

 

‘HDPyî baraj derbaz kerd û rejîmê AKPî bi asteng’

 

Selmaye dewam de da zanayîş ke derbazkerdişê barajî yê HDPî zaf girîngo û wina va: “AKPî seba îqtîdarê xo HDP nêwaşt. Hêzê demokrasî vera nê hewldayîşêke pîl dayî. Partîya ma zî seba HDP baraj derbaz bikero xebat meşnayî. HDPyî baraj derbaz kerd û vernîya AKPî bi asteng.”

 

Selmaye da zanayîş ke sera 50 komelî vera rejîmê yew kesî xoverdayîş meşnayê û va: "No semed ra xoverdayîşê îqtîdarî wazeno înan ceza bikero. Nê wazeno ke ci ra hesab pers bikero CHP zî esto. Wazeno rejîmê tedayîn awan bikero û no ser sîyasetê xo awan bikero. Bêguman kayê îdeolojîyê Erdogan û AKPî nê dir sînor nîyê. Awankerdişê yew partî û yew kesî yo. No tehdîd eynî wextî de yena manaya ke waştişê şarê Kurdî zî bipelçiqnê."

 

‘Gerek rayîro hempar bêro vînayîş'

 

Selmaye dîyar kerde ke Tayyîp Erdogan sîstemê peynîverdiş serê cinîyan de plan keno û wina va: "No semed ra do bêtêduştî tewr zêde bibo. A ke yena vînayîş cinî do vera polîtîkayê hukmatî peyser game nêerzê. Gani cinî rayîrê yewbîyayîşî û hempar bîyê bivînê. Seba her kesî demokrasî lazim o. No semed ra berpirsyarîyê girîng konê serê milê cinîyan.”