Lîlav Elî-Ferîde Zede 

 

ŞEHBA - Sereka Heyetê Kar û Barê Komelî ya Herêma Efrînî Erîfa Bekire daye zanayîş ke Heyva Sor a Kurdistanî a Erebî piştîya xo seba şarê Efrînî yê ke Kampa Şehba de bi ca bîyî birna yo. Erîfa Bekire derheqê babete de dîyar kerde ke wezîfeyê merdimîye yo ke ganî heme eksî bibî yew û piştî bidî heme mexduran.

 

Erîfa destpêkê qiseykerdişê xo de va ‘dewleta tirkî û komê girêdayeyê ci bi top û tanqan hêrişê Efrînî kerdî û netîceyê hêrişan de xeylê sivîlî cuya xo vînî kerdî’ û wina dewam kerde: “Xeylê sivîlî ameyî qetilkerdiş û bi hezaran kesî keoçber bîyî. Ganî piştî bidîyo kesê ke bi zorî ameyî koçkerdiş. Xeylê zor û zehmetîyan ra dima şarê Efrînî Kantonê Şehba de bi ca bî û xover danî. Wezîfeyê merdimîyeyo ke piştî bidîyo înan.”

 

'Ma seyyewbînanîya şaran esas gênî'

 

Erîfa qiseykerdişê xo yê peyênan de wina va: “Seba ke dinya de aştî û azadîye pê bêrî, ganî heme kesî seyyewbînan bibî. Ganî cîyayê nêkero mabenê merdiman. Ma seyyewbînanîya şaran esas gênî. Ganî heme kesî na babete de piştî bidî yewbînan. Dewleta tirkî û komê girêdayeyê ci bi top û tankan hêrîşî şarê Efrînî kerdî. Ma vengê piştîdayîşî danê heme kesan.”