MÊRDÎN - Nisêbînê Mêrdînî de wextê qedexeyê tebervejyayîşê kuçeyan û dimayê qedexeyî de vera keyeyê ke ameyê rijnayîş, TOKÎ ameyî destpêkerdiş û tewr balkêş o yo ke hema TOKÎyan de teqnayîş yenê meydan.

 

Nisêbînê Mêrdînî de aşma hezîrane de warê TOKÎyan de hema cenaze vejîyayî û TOKÎyê serrêke ameyê destpêkerdiş hema viraştişê înan dewam keno û hewteya vîyarte de reyna teqnayîşêke war de ame cuyayîş. Taxa Firatî, wextê sererastkerdişê derûdorî ameyne kerdiş de teqnayîş ame meydan û derheqê teqnayîş de tu zanayîşêke fermî nêame dayîş. Çimeyê mintiqa dîyar kerdî ke operator bi hawayêke şenik birîndar bîyo û kepçe zî xisar dîyo. Bi no hawa şar ano ziwan ke TOKÎ înan mexdûr kena.

 

Verê nê de wendekaranê ke taxa Dîcle û Firatî de kewtî Îmtîhanê Derbazbîyayîşê Lîse (LGS), ame zanayîş ke seba zafê wendekaran Lîseya Firat Anadolu yê ke viraştişê ci dewam kena vejîyayê.

 

Mektebo ke viraştişê ci dewam keno, nîno zanayîş ke do bireso wextê perwerdeyê newe ya nê.