WAN - Kerrayê tebîî bi taybetmendî û tebîîya xo şîfa vila kenî. Nê kerrayî seba weşî û problemê psîkolojîkî derman î. Tarîx ra nata kerra û krîstalê ke eşyayê zîynetî de yenî xebitnayîş bi rengê xo yê cîya cîyayan bala merdiman ancenî.

 

Kerrayê tebîî bi taybetmendî û tebîîya xo şîfa vila kenî. Nê kerrayî seba weşî û problemê psîkolojîkî derman î. Tarîx ra nata kerra û krîstalê ke eşyayê zîynetî de yenî xebitnayîş bi rengê xo yê cîya cîyayan bala merdiman ancenî. Yeno vatiş ke nê kerra û belurî seba çareserkerdişê problemê psîkolojîk û laşê merdiman rê zî şîfa yî. her merdim eşkeno goreyê bircanê merdimî kerrayan peyda bikero.

 

Dinya de 46 kerrayê tebîbî estî

 

Weşî de hertim kerrayê şîfayî bîyî sebebê munaqeşeyan. Xeylê sihiyî kerrayan çareserkerdişê problemê merdiman de sey çare û şîfa vînenî. Bazarê Rûsan yê Wanî de her tewir û mana de kerrayî estî. Her kerrayêk wayîrê taybetîyêk cîya ya. Dinya de 46 kerrayê tebîbî estî. Kerrayê ke tewr zêde eşyayê zîynetî yê cinîyan de yenî xebitnayîş eleqeyêk pîl vînenî.

 

Kerrayê ke tewr zêde yenî tercihkerdiş

 

Mîyanê kerrayan de tewr zêde kerrayê Kehrîbar, Amazonit, Mercan, Elmas, Ametist,Încî, Akuamarîn, Zûmrût û Yeşîmî yenî tercihkerdiş. Yeno vatiş ke nê kerrayî merdiman xirabî ra dûrî kenî û seba hîssê merdiman baş î. 

 

Kerraya Kehrîbar: Seba pizrikê ke rîyê merdiman de vejîyenî û nêweşîyê rî rê derman a. Seba nêweşîya Guatir, bronşît û romatîzma rê derman a. Seba ke germî vila kena, merdiman enfeksîyon rê pawena. Na kerra welatê Polonya ra yena berardiş. Yena vatiş ke na kerra dara 40 mîlyon serrî ke bîya fosîl ra peyda bena. Na kerra binê erdî ra yena vetiş. 

 

Amazonît: Seba nêweşîyê mezgî rê baş a. Deqa de janê bedenî dana vindetiş û hêz dana merdiman. Seba weşî û psîkolojîyê merdiman rê baş 

 

Mercan: Seba nêweşîya tansîyonî derman a. Dewlemendîya kalsîyomî ya. Hêz dana merdiman. Seba kêmîya gonî baş a. 

 

Încî: Seba dejê este, sere û mîgrenî baş a. Awa Încî seba nêweşîya mîde, fatreşk û loqereyan baş a. Eynî wext de kêfweşî dana merdiman û seba problemê merdiman çare ya. 

 

Yeşîm: Taybetî seba gurçikê merdiman kerraya tewr baş a. 20 deqa rakewtişî ra ver xebitnayîşê aye hîna baş a. Na kerra, kerraya bereketî ya.