Dilan Babat- Habibe Eren

 

ENQERE - Taxa Fahrî Koruturkê Mamakî yê Enqereyî hemwelatîyê ke keda înan ya 50 serre hetê bi kepçeyan amî wêrankerdiş û veng amî vetiş no semed ra vera dewlet û AKPyî bi hêrs ê. Hemwelatîyan dîyar kerd ke pêwa tapo û qeydê înan estê bi gazê îsotê hêrişê înan kerdê û vatî ke dewlete înan xapênaya.

 

Hemwelatîyê taxe ke hewl dayî û nêverdayî ekîb biko taxe, rastê hêrişê TOMA û gazê îsotî yê polîsan ameyî. Ekîbe rojêke xo peyser ant û roja bîn reyna ame û 28 keyeyî rijnayî. Keyeyan 50 serre verê koçê Enqereyî kerdibî vîrardiş û keda înan mîyanê xirbe de mendî. Taxa ke xeylê xo Kurd û Elewî cuyenê, mexduriyetê xo qalî kerdî.

 

'Tapu û qeydî destê ma de estê'

 

Cennet Hokeleka 50 serrî taxe de cuyena, dîyar kerde ke pêwa heme îtirazan ekîbê şaredarîye keyeyê înan rijnayê û wina va: "Guleyê plastîk û gazê îsotî eştî ma. Ma xo ver da la ma serkewte nêbî. Heme keda ma destê ma girewtî. Ma rojo bîn tapuyanê xo bigirewtêne. Ma pereyê xo da la înan ame rijna. Ma nêzanê ma do tîya ra tepya se bikerê."

 

'Dewlete şarî xapêna'

 

Songul Yilmaze zî da zanayîş ke dewleta ke şarî xapêna, 28 keyeyî mexdur kerda û va: “Kewtî keyeyê ma. Hacetê ma eştî teber. La ma guna nîyê? Her kes vila bi. Keda 50 serran çin amî kerdiş. La ma do heqê xo bipawê. Ma fek vera nêdanê."

 

Cinîya bi nameyê Guldeste zî wina va: "Ma 5 hezar TL kerd banqa û dima ra ameyî wina rijnayî. Hacetê ma eştî teber. Berpirsîyarê nê AKP yo. Ma ameyî mexdurkerdiş. Ma do dest heqê xo ra vera nêdê.

 

Cinîyêke bîn zî reaksîyonê xo arde ziwan û va do nika se bikerê û va keda înan ê bi serran ameya çinkerdiş.