ŞIRNEX - Hezexo ke germîya ci resayo 45 dereceyî, 15 rojan awe nêdayî taxan. Hemwelatîyê taxe dîyar kerdî ke her serre bi eynî sebeban awe yena birnayîş û vatî awa ke di roj verê ameya veradayîş reyna bêra birnayîş do bimeşê şaredarî.

 

Hezexê Şirnexî ke germî bîya 45 derece, dimayê problemê ceyranî nika zî ê awe vejya meydan. Seba taxa Newe û taxê bîn bi 15 roî yo awe nîna dayîş. Cinîyê Hezexî dayî zanayîş ke nê germî de mexdûr bîyê û her hamnanî nê problemî cuyenê.

 

Her serre awe yena birnayîş

 

Şaîze Dîlîme da zanayîş ke bi 15 rojî yo awe amî birnayîş û wina va: "Her serre wina beno. Bi di rojî yo awe yena. Her serre ma aşmêke nê germî de bêawe yenê verdayîş. Do çend rojê bîn reyna bira birnayîş. Do aşmêk nêra. Êdî pereyê ke ma bidê awe nêmend. Her reye de vanê borî teqya ya zî erize virazyayo. Gelo çira nê rê çareserîyêke mende nêvînenê."

 

'Ma do bimeşê şaredarî'

 

Şaîze dewamê qiseykerdişê xo de da zanayîş ke ê nêeşkenê lazimîyê xo yê rojane bi ca bîyarê û wina va: "Domanê ma êdî nêeşkenê sereyê xo bişoyê. Sîlopî û Cizîre de ceyran birnenê. Tîya zî awe. Rewşa ke do reyna awe bêra birnayîş ma do bimeşê şaredarî. Nêweş estê. Domanî estê. Wa êdî fek nê caardişî ra vera bidê."

 

'Awe ma birnenê'

  

Revşen Koke zî da zanayîş ke her ke awe yena birnayîş sebebê cîya danê vernî û wina va: "Merdiman seba awa ke ameya birnayîş sebebê cîya danê vernî û wina va: "Merdiman seba awa ke ameya birnayîş kargerîyê xo girewtî. Na germî de bi merdiman wina yeno kerdiş? Her serre vanê borî teqiyayê. Ma wazenê no problem bêro çareserkerdiş."