Lilav Eli 

 

ŞEHBA - Herra he top, bombe û derb serê de yenî meşênayîş… Xeylê domanî binê tesîrê kerdişê lêşin yê ke kapîtalîzmî ra xizmet kenî de cuyenî. Cok ra bi mîlyonan domanî ameyî mexdurkerdiş û qetilkerdiş.

 

Domanê Efrînî yê ke netîceyê hêrişê Artêşa Tirkî (TSK) û komê girêdayeyê aye de ameyî mexdurkerdiş zî înan ra yî. Nê domanî bîyî şahidê vînayîşê cenazeyê domanan yê ke bedenê înan parçe parçe bîbî. Zerrîya nê domanan de dejêk pîl esto.

 

Herinda materyalê kayî de çek!

 

Rîyê domanê ke mecbur mendî Efrînî ra koçê Şehba bikerî de şopê şerî asenî. Destê înan de herinda materyalanê kayî de çekê ke bi destê xo viraştî, estî. Na rewşe nîşan dana ke şer senî tesîrêk negatîf domanan ser de viraşta. 

 

Travmaya vengê teyareyan

 

Keyeyê Hemoyî dewa Xilankaya Bilbilî ra yî û Efrînî ra koçê Şehba kerdî. Mîyanê keye de 13 domanî estî û hertim persê winasî pers kenî: “Semedê çi wexto ke teyareyî embazanê ma dayî bedenê înan parçe parçe bîyî?” Domanê Şehba teyarayan ra tersen. Domanî hema zî travaya şerî cuyenî. Babete ser o domanî qisey kerdî.

 

'Sucê domanan çina yo?'

 

Domano bi nameyê Muhammed, Delala 11 serrî, Roniya 12 serrî û Kewser Hemoye qiseykerdişê xo de wina vatî: “ Ma do agêrî Efrînî. Sucê ma domanan çina yo? Çi semed destûr nêdayî ma kayanê xo kay bikerî. Çi semed xeyalanê ma rijnayî? Ma şer nêwazenî. Efrîn bajarê ma yo. Ma înan efu nêkenî. Ma qetlîaman dî. Êdî kayê ma şer î. Verê cu ma nêzanayê ne çek çina yo. Bi heme teknîkanê xo hêrişê ma kerdî. TSK û hêzê girêdayeyê ci 58 rojan hêrişê ma kerdî. çîyê ke ma dî, wa tu domanêk nêvîno. Xeyalê domanan ameyî diznayîş.”