MUGLA - Cinîyê qeraxê Akyaka de standê xo akerdê berardişê destan roşenê, seba zemê standan rê ameyî kerdiş û krîzê ekonomî nêeşkenê debara xo bikerê. Bajaro ke bi weşikîya xo ya xoza bale anceno, bi merdiman dir zî tersê betonî awan keno.

 

Dimayê bajarokê Akyaka yê Mugla warê rantî rê abi rastê îstîlayê merdiman yeno û yeno kîrakerdiş. 10 serrê peyînan de taybetîyê xo yê verî vindî kerdo. Tezgahê ke qerax de ameyê awankerdiş û uca de berardişê destan yenê rotiş her ke şinê amancê xo ra dûr konê.

 

'Seba standan zam'

  

Warê qeraxî û xeylê cayê bîn yê verê aîdê şaredarî bî nika hetê Weqfê Xizmetê Mugla binê kontrolê Walîtî de yenê xebitnayîş. Savtap Belgîna ke 8 serre yo xişirê ke bi destê xo viraznena roşena dîyar kerde ke xora krîzê ekonomî cuyenê û no zî qîm nêkeno standan rê zî zam kerdê. Sevtabe da zanayîş ke dimayê MUÇEVî stand dewr girewtê sezonê ci bîyo hezar û 750 lîra û va heme keda înan veng şina.

 

Sevtabe wina dewam kerde: "Ez di rojê xo dana neqşê bi derzenî. Vera ke ez 70-80 lîra bidî, bi 20 lîra dana. La lazimîyê mi estê. Kîra zêde bîyê. Şar êdî nêeşkeno çîyêk bigîro. Serra vîyarte rewşa ma baş nêbî. Goreyê rojeve karê ma vuryeno."

 

Feryal Peker zî dîyar kerde ke aye zî Enqere ra ameya Akyaka û va verê Akyaka cayêke bêveng bîyo û nika xeylê qerebalix bîyo û va tewr zêde Turîstê Ereb eleqe mojnenê ra. Feryale wina va: "Zêdebîyayîşê turîstan tesîrêke negatîf nêkerd. Heta êdî ma zimistanî zî tena nêmanenê. La tîya sektorê înşaatî zêde benê. Daristan îmar rê yenê akerdiş."