Kevser Ozkaynak

 

STENBOL - Sereka Projeyê HADî avûkat Hulya Yalçine dîyar kerde ke şîdeto ke cinîyan yeno kerdiş ro doman û heywanan zî yeno kerdiş: "Hîn partîyê sîyasî pêşnûmepersan danê meclîs. Nê pêşnûmeyê qanûnan de  'têkilîyê zayendî' yeno vatiş. La têkilîyêke zayendî yê bi heywan û domanan çin o. Tîya tecawiz esto, şîdet esto, hêrişê zayendî esto."

 

Sereka Projeyê Komeleya Edaletî seba Heywanan (HAD) avûkat Hulya Yalçine sebebê zêdebîyayîşê şîdetê zayendî û netîceyê nê de çîyê ke cinî ciwîyenê şîrove kerde û dîyar kerde ke hêrişê zayendî têkildayîşê ewnîyayîşê vera cinîyan o û va komel de vera kesê ke şîdet û hêrişê zayendî kenê, vera mexduran reaksîyon esto û wina va: "No semed ra hêriş zêde benê. Bê ceza yenê pawitiş. Roja ewro de cinîyêke rastê tecawîzî yena hewl dana xo sucdarkerdişan bipawa. Sucdarî dekewtişê ceza ra feyde gênê."

 

Hulya da zanayîş ke baro de derheqê heqê heywanan de zî ders daya û va zafê avûkatî şîdet ferq nêkenê û wina va: "Wexto ke mi vatêne tecawizê heywanan, pisîng, kutik, kerge û milçîke kerdê huyayne. Seba ke çîyêke nêbaş û bi xof o. Ganî vernî de ma tecawiz 'kulturê huyayîşî' ra vejê. Ganî ma çira tecawiz yeno kerdiş û cezaya ci çîyo? Qisey bikerê."

 

'Ganî hêrişê zayendî bi hawayêke tewr giran bêrê cezakerdiş'

 

Hulyaye arde ziwan ke her ke şino şîddet zêde beno û va: "Ganî gumanbarî bêrê cezakerdiş. Sîstemê ceza de yeno vatiş ke wexto ke cinî rastê şîdetê zayendî ameya qîrawa ya nê? Na rewşe û nêzîkatî merdim nêeşkeno qebûl bikero. Merdimî eşkenê şok bibê û nê veng nêkerê. Nê qet nêgînê verê çiman. Ewnîyayîşê vera cinî tesîr serê doman û heywanan zî keno. Yê ke şîdet ro cinî kenê ro doman û heywanan zî kenê. Ganî hêrişê zayendî bi hawayêke tewr giran bêrê cezakerdiş."