DÊRSIM - Cinîyê ke her serre Mîhrîcanê Kultur û Xozaya Munzurî de nanê tewqe viraznenê û roşenê, bi vatişê sey ‘Yê ke mîhrîcan ra tersenê wa êdî dest nê zîhniyet ra vera bidê. Mîhrîcanê Dêrsimî bi qedexeyan nêeşkeno bêro astengkerdiş' reaksîyon mojnayî ra.

 

Mîhrîcanê Kultur û Xozaya Munzurî her serre virazêno, hetê Walîyê Dêrsimî ra amebi qedexekerdiş. Cinîyê ke mîhrîcan de nanê tewqe viraznenê û roşenê reaksîyon Walî rê mojnayî ra û dîyar kerdî ke seba qedexeyî rotiş zî nêbeno û vengdayîşê ‘fek zîhniyetê qedexekerdişan veradê' kerdî.

 

'Wa bi kede ma nêkerê'

 

Fatma Akyuze da zanayîş ke qedexe tesîrêke negatîf serê rotişan kerdo û wina va: "Ma seba mîhrîcanî zaf amadekarî kerd. Yê mîhrîcan qedexe kerdê wa bi kede ma kay nêkerê. Yê ke bi keda şarî kay kenê zî Homa ra nêtersenê."

 

'Ma seranserê hamnanî tîya yê'

 

Saîme Aydine zî da zanayîş ke pêwa qedexeyan mîhrîcan viraştê û wina va: "Ma bi kede, bawerî û kulturê xo estbî. Ma do her wext zî wina bê. Ma cinîyê Dêrsîmî no qedexeyî nas nêkenê. Ma seranserê hamnanî tîya yê."

 

Bîrgul Agdogane zî veng da ke ganî her kes wayîrê erjê xo vejîyo û va amancê mîhrîcanê înan wayîrvejîyayîşê xoza û kulturî yo.