Melîke Aydin

 

ÎZMÎR - Dewijê Başkoy û yê derûdorî ke vera JESî yê Tîreyî vejîyenê û vatî: "Bi 6 serre yo pey ma de kayan kay kenê. Destûr girewtê bi nimte xebityenê. Ma do destûr nêdê texrîbkerdişê xoza. 

 

Taxa Başkoya qezaya Tîre ya  Îzmîrî de vera destûrê sondajî bi amancê cigêrayîşê jeotermalî mintiqaya xazîneyê 5 hezar û 431 metrekareyî, ameyo dayîş vejîyenê. Şîrketo bi nameyê Pozîtîf Enerjî xebatê sondajî meşneno û no zî çimeyê debare ya şarê mintiqa tehdîd keno. Dewijan va bê zanayîş xeberê înan proje yê 2010an de ameyo plankerdiş.

 

Dewijan da zanayîş jeotermalo ke raste rast tesîr serê dewê Başkoy, Akmescîd, Topalak, Ortakoy û Yemîşlerî keno, bi sulfuro ke vejîyeno meydan do heggayî ziwa bibê û vatî ma nêwazenê çîyê ke Germencîk de ameyê ciwîyayîş, Başkoyî de zî bêrê ciwîyayîş.

 

Hemwelatîyê dewe dayî zanayîş ke xebatê jeotermalî têkilîyê qanûnê Buyukşehîrî yo û vatî hetê Mudirîyê Harîta û Kadastroyî ra serra 2010an ra heta nika bi zanebîyayîş tapû seba mintiqa nêdayê û vatî xêrcê dewa Başkoyî, dewê bê tapu çin ê.

 

Do dewa bêra akerdiş

 

Dewijê ke musayî 18ê Temmuze de serê rîpelê înternetî yê Wezaretê Bajarwanî û Derûdorî de raporê Ercnayîşê Tesîrê Derûdorî (ÇED) yeno dayîş, bi komîsyonê 3 kesî ra yeno meydan do dewa abikerê.

 

Cinîya bi nameyê Hurîye Gulmeze arde ziwan ke 5 hezarî ra zêde kesî tîya serê hêgayan de xebityenê û debara xo kenê û va seba JESan boya kukurtî yena. Huriye wina va: “Ziraro ke fêkî vînenê do ro ma zî bikero. Çira hewa û xozaya weş e çin kenê. Gelo do bi kiştişê ma ra aver şêrê."

 

Pinar Aydine zî va dimayê çalakîya ke dewe de viraştê di memurê girêdayê Mudirîyê Malî ameyê mintiqa û wina va: "Ma waşt dosyayê înan de çi esto. Ma va kayê ke yena kay kerdiş. Bi 6 serre yo pey ma de kayan kay kenê. Destûr girewtê, nimte xebityayê. Eke dest bi kar bikerê ma se bikerê zî do nêbo. Ma tîya jeotermal nêwazenê.”