MÊRDÎN - Omeryano ke her serre bi şewatê daristanan yeno rojeve, reyna çar roj verê şewat vejîya û dewan vila bi. Yew nê dewan ra dewa Serêkanî bî. Terfa Yildirima ke dewa Serêkanî de ya: "Seba ma tîya ra vejîyê û şêrê her serre wina kenê."

 

Mintiqaya Omeryano ke girêdayê Nisêbînê Mêrdînî yo hîrê roj verê qedexeyê tebervejîyayîşê kuçeyan ame îlankerdiş û dima ra şewat vejîya, bi hezaran hektar daristan çin kerd. Şewat resa heta dewanê derûdorî û şertê zehmet de ame tefinayîş. Yew dewê ke şewat resa Serêkanî bi. Dewe de yew heywanêke û baxçeyêke nêmend. Cinîya bi nameyê Terfa da zanayîş ke dewe de tena çend keyeyî mendê û wazenê înan zî bidê koçberkerdiş.

 

Çend saetan de resa dewe

 

Terfaya ke roja hedîse qalî kerde, arde ziwan ke dûmano ke ko ra berz bîyo, şewat vejîyayo û wina va: "Seba hewa şewat zêde bi. Hewa şîdetîn bi. Ma serê siba saete 9 de şewat dî û şan de saete 4ine de resa dewe. Ma bermayî, ma hetkarî waşt la kes nêame. Tewr peyîn lajê mi xo eşt îtfaîye. Îtfaîya amî. Îtfaîya zî awe eşte û şî. Bi awe înan adir kêm nêbê."

 

'Ma nêeşkenê daran biçînê heywanan wayîr bikerê'

 

Terfaye da zanayîş ke seba şewato vejîyayo heywanê ci telef bîyê, înan zirar dîyo û va her serre nê caardişî cuyenê û seba şewatî nêeşkenê darêke biçînê û heywanan wey bikerê. 

 

Terfaye tewr peyîn qiseykerdişê xo de reaksîyon rewşe rê mojna û dîyar kerde ke seba înan tîya ra vejê û bidê koçberkerdiş her serre nê cayan veşnenê. Terfaye va ê dewe xo ra nêvejênê û wazenê înan zî bikşê.