MÊRSÎN - Seba cinîya 76 serrî Sîsê Bîngola ke nêweşxaneyê Dewlete ya Tarsûsî manena nêweşa gurçik, tansiyon û şekirî ya "raporê eşkena hepisxane de bimana" ame dayîş.

 

Sîsê Bîngola 76 serrî Hepisxaneyê Tîpa T yê Tarsusî de manena. Her ke şino rewşa weşîya aye tewr xirab bena. Goreyê xebara ke Ajansê Xeberan ê Mezopotamyayî de ame weşênayîş, girêdayîşê  pîrîtî dir û şertê hepisxaneyî nêweşîya qelb, zerik, mesane, tansiyona berz, şekir û gurçikan ra her ke şino giran bena. Avûkat Ozbek muracat kerd ke seba pîrbîyayîş û nê nêweşîyan înfazê cezaya Bîngole rê ameyê birnayîş bêra vindernayîş û bêra veradayîş. Muracat ame redkerdiş. Nêweşxaneyê Dewlete ya Muşî seba Bîngole raporê ‘hepisxane de nêeşkena tena cuya xo dewam bikera' da. Desteyê Tipê Edlî bi vengê piranî raporê ‘Sîsê eşkena hepisxane de bi sereyê xo bicuyo' da. Sîsêya ke problemê aye weşî her ke şinê giran benê, muracatê Wezaretê Dade da ke seba problemê xo yê weşîye ceza ci rê birnayê bêra taloqkerdiş û serbest bêra veradayîş.

 

Sîsê Bîngole 6ê Nîsana 2016 de Dewa Badana Qezaya Gimgimê Mûşî amî tepiştiş û amî tepiştiş. 3 aşmî tepişnaye mende. Seba xetereyê weşî amî veradayîş. Dadgehe serê qerarê xo yê serê Bîngole bi zanebîyayîş û bi waştiş hetkarî dayî rêxistinê 4 serran û 2 aşmî ceza ci rê birnayî. Dimayê dosya amî erêkerdiş Bîngole tepişnayî û berdêne Hepisxaneyê Tîpê E yê Mûşî. Uca ra zî sewqê Hepisxaneyê Tîpê T yê Tarsusî kerdî.