ŞIRNEX - Cizîre de wextê qedexeyê tebervejîyayîşê kuçeyan de qeza amebî rijnayîş û serê bodrumo ke rijnayî TOKÎ viraştî û ameyne vatiş ke do peynîya serre de bêrê teslîmkerdiş la hema teslîmê keyeyan nêameyî kerdiş. Zereyê keyeyan û derûdorê înan zî hema nêameyê viraştiş.

 

Cizîre yê Şirnexî de dimayê qedexeyê tebervejîyayîşê kuçeyan yê mabêne 14ê Kanûna 2015 û 2ê Adara 2016 de dewam kerd de bodrumê keyeyan de bi desan kesî ameyî qetilkerdiş. Eynî mintiqa de dest bi TOKÎyan amebi kerdiş û înşaatê awanîyan dewam keno. Pêwa ke ameyne vatiş do TOKÎ peynîya 2017 de bêrê teslîmkerdiş, dima ra vatî do Adara 2018 de bêrê teslîmkerdiş. Pêwa nê îzahatî bi aşman o nêdayê keyeyan.

 

Zereyê keyeyan û derûdorê înan hema nêameyê viraştiş

 

Dimayê pêrodayîşan ke ameyî ciwîyayîş, hema qedexeyî nêwiştî, bodrumî ameyî rijnayîş. Dimayê ke ame rijnayîş Gulana 2017 de bingeyê TOKÎyan ame eştiş. Çerçeweya îhaleyê 105 mîlyar TLyî ke Şîrketê Înşaatê yê Bîskon girewtibi, do mintiqaya 604 awanî û 120 kargerîyê bazirganî biameyne viraştiş. Mintiqaya ewil de cayê werdî û rakewtişî seba karkeran ame viraştiş. Înşaat bi aşman dewam keno her aşme vanê peynî bibo la hema zere û derûdorê înan nêameyo viraştiş.

 

Zextê îmzayan dewam keno

 

Roja bingeyê înşaatî ameyo eştiş, heta nika çerçewaya projeyî de xeylê keyeyî ameyî rijnayîş. Seba keyeyê kêm xesar vînayê zî wezaretê bajarwanî û hawirdorî serê keyeyê dewam keno.

 

Seba qedênayîşê TOKÎyê Sûr, Şirnex û Nisêbînî sey tarîxê 31ê Çele 2018an amebi dayîş. Wezîrê Bajarwanî û derûdorî Mehmet Ozhasekî ke o wext mintiqa de geyrabi wina va: "Seba Cizîre îhaleyê 750 awanî û hezar û 500 awanîyê bîn zî bêrê kerdiş. Heta peyîne serre do bêro temamkerdiş." La pêwa ke îzahatê viraştişê awanîyan dewam keno û nîno zanayîş ke do key bêrê teslîmkerdiş.