ŞIRNEX - Camîyî Haci Hasan ê taxa Yenî yê Hezexî, hetê polîsan ra açernayî qerekole.

 

Camîyî Haci Hasanî 2009 de taxa Yenî yê Hezexî de ame viraştiş, hetê Polîsan ra açernayî qerekole. Qeza de dimayê pêrodayîşan ke hîrê serê verî amebî ciwîyayîş dima polîsî camî de bi ca bî û sey qerekole xebitnenê. Polîsê ke wextê qedexeyan de camî sey xocayî xebitnayne, dimayê ke qedexeyî ameyî wedartiş zî nêvejîyayî. Berê camî bi asinan ame padayîş û dekewtiş de zî 3 kulubeyê polîsan ameyî awankerdiş.

 

Goristanî zî binê dorpêç de yê

 

Karkerê ke dimayê qedexeyî ameyî ke camî viraznê, her roje binê kontrolê GBTî ra derbaz benê û wextêke nêverdayî hemwelatî nimaj bikerê. Heto bîn ra goristano verê camî zî hetê polîsan ra ameyo dorpêçkerdiş.

 

'Wa cinî camî ra vejîyê'

 

Hemwelatîyan reaksîyon na rewşe rê dayî û vatî ke pêwa qeza 10an ra tewr zêde qerekolî estê la camî xesp kerdê û vatî: " Her ca de qerekolî estê. Dimayê qedexeyî uca ra nêvejîyayî. Ma şîne terawîhan ma nêgirewtêne zere. A roje ra nat ma nêkewtî camî. Wa camîyî ma ra vejîyê."