STENBOL - Prof Dr. Beyza Ustune dîyar kerde ke ekolojîst û şar wayîrê Heskîfî nêvejîyayî û ganî xorexnekerdişê nê çîyî bêro kerdiş û wina dewam kerde: “Ganî vera qirkerdişê tebîet, tarîx û kulturî HDPyî reyde têkoşîn bêro dayîş.”

Seke yena zanayîş qezaya Heskîfî ya Êlihî de çarçewaya viraştişê Awbendê Ilisu de xebate ameyî kerdiş û makîneyê karî Heskîfî rijnayî. Xebata viraştişê Awbendê Ilısu bi serran o dewam kena. Endama Komîsyonê ekolojî ya HDPyî Prof.Dr. Beyza Ustune qala texrîbatê Heskîf û rijnayîşê qezaya Sûrî ya Amedî kerde.

Beyza destpêkê qiseykerdişê xo de wina va: “Heskîf yeno çinkerdiş û tarîx yeno rijnayîş. Heskîf temsîlkarê şar û şaristanî yo. Heme qanûnanê mîyanneteweyî de cayê winasî yenî pawitiş. Heskîf cayêko hetê Peymeyê NY û UNESCOye ra yeno pawitişî yo. Labelê sermayegozarî Heskîfî kerdî qurbanê menfîetanê xo.”
‘Ma do wayîrê Heskîfî bivejîyî’

Beyzaye dewamê qiseykerdişê xo de bale ante texrîbatê Heskîf, Çemê Dîcle û Sûrî ser û wina va: “Heskîf, Çemê Dîcle û Sûr çin ameyî hesibnayîş û bîyî herêma sermayegozaran. Kesê ke têkoşînê ekolojî danî Allîanoî û Heskîfî de arê nêbîyî. Ganî ma têkoşînê ekolojîyî bidî meşnayîş. Eke Heskîf binê awe de bimano, sebebê no çîyî ma yî. Ganî ma xorexnekerdişê xo bidî û wayîrê tarîxê xo bivejîyî. Qezayê Sûr, Cizîr û Nisêbînî, Heskîfî ra cîya nîyî. Nê cayî netîceyê konseptê şer, OHAL û qedexeyê tebervejîyayîşî de ameyî rijnayîş.”