Evrîm Kepenek

 

STENBOL - Karkerê flormarî yê ke bi 16 rojî yo xo ver danê û bi sebebê endamê Sendîkaya Pertrol-Îşî yê û kar ra ameyê eştiş vengdayîş esto: "Berardişê flormarî megîrê. Tu hacetê makyajî nêeşkenê îhlalkerdişê heqan yê hemverê karkeran bigîrê.

 

115 karkerê ke xeylê xo cinî yê fabrîkayê Gebze yê Kocaelî de xebityenê, bi sebebê endamê Sendîkaya Pertol-Îşî yê û kar ra ameyî eştiş û çalakîya verê fîrmaya Flormarî ê Kozmetîkî de ame destpêkerdiş roja 16in de dewam kena.

 

5 aşmî verê 120 karkerê ke waştî bibê sendîkayij kar ra ameyî eştiş û înan zî qerarê xoverdayîşî girewtî. Karkeran bi piştdayîşê Sendîkaya Petrol Îşî verê fabrîka de qerarê çalakîye girewtî û 16 rojî yo verê fabrîka ra nêşinê.

 

Karker Ayşegul Yaliya ke piştdayîşê keyeyê xo zî girewte, yew karkerê ewil amî vetiş a. Ayşegule va key seba heqê xo çîyêke waştê rastê tehdîdan ameyê û va: "Ma nêfikrîyayne ke ma kar ra bierzê. 11 serrî ez tîya xebityaya. Ma saet 7.30 de dest bi kar kerdêne. Tena nîm saet seba werdî wextê ma estbi. No sebeb ra ma waşt ma bibê sendîkayij. Ma suc nêkerd. Ma heqê xo xebitna."

 

Sevîl Yildiza zî 12 serran Flormarî de xebityena û bi çepikan piştdayîş dana karkeran û no semed ra aye zî kar ra ameya eştiş. Sevîle dîyar kerde ke ê zanê ke ê heqdar ê û çîyê ke kerdê poşman nîyê.

 

'Boykot bikerê'

 

Gulseren Tombule zî 8 serrî yo Flormar de xebityena û seba ke aye zî piştdayîş daya karkeran kar ra ameya eştiş û veng da ke heme cinî berardişê hatiye Flormarî boykot bikerê.

Gulperî Guldali zî 8 serrî yo xebityena û aye zî bi sebebê çepikî kerdê kar ra ameya eştiş û va amanc mobîng o û xespkerdişê heqê tezmînatî yo û eynî wextî de zî vengdayîşê boykotê berardişê fîrma kerde.

 

Cinîyê bi nameyê Elîf Uslu, Hatîce Durmuş, Semra Canbolat, Elîf Kiliç zî vengdayîşê piştdayîşî kerdî û vatî do ê qezenç bikerê.