Habîbe Eren

 

ENQERE - Oy ve Otesî ke seba weçînayîşan dest bi xebatan kerdî do 190 hezar sindoqan de asayîşê weçînayîşî bigîrê. Endama Heyetê Îdarekarî Sevcan Çamlidage dîyar kerde ke pêwa 10 rojî verê qeydê muşahidî destpêkerdişê hûmara zerrîwaştîyan resaya 10 hezarî û vengdayîşê zerrîwaştişî ro hema kesan kerdî.

 

Oy ve Otesî ke seba serê sindoqan de îhlalkerdişê heqan nêrê cuwîyayîş û îradeyê şarî sindoqan de bêro vînayîş ame awankerdiş 2014 ra heta nika serê sindoqan deyê. Oy ve Otesî ke 7ê Hezîrane de bi xeylê zerrîwaşteyan xebatê cidî kerdî nika seba weçînayîşê 24ê Hezîrane dest bi xebatan kerdî. Endama Heyetê Îdarekarî Sevcan Çamlidage derheqê asayîşê weçînayîşan de zanayîş da.

 

Sevcane dîyar kerde ke mîsyonê înan tewr girîng o yo ke îradeyê şarî sindoqan de vejyo meydan û wina va: "Wexto ke ma ameyî awankerdiş, yewin sazgehê sivîl ê weçînayîşan taqîbkerdiş bi. Ma nika vînenê wayîrvejyayîşê sindoqan zêde bîyo û no zî bi hêvî yo. Ma 1ê Hezîrana 2014 de weçînayîşê mintiqaya yê Yalova, 10ê Tebaxa 2014 yê serekomarî, 7ê hezîrana 2015an, 1ê Teşrîna Peyêne taqîb kerd. Ma nika zî do 24ê Hezîrane taqîb bikerê."

 

Sevcane dewam de dîyar kerde do 24ê Hezîrane de zî sîstemê xo yê ‘T3 (Belêkerdişê Girewtoxê Tirkîya)' ra bi netîceyê weçînayîşî hetê Heyetê Weçînayîşê Berzî yenê kerdiş, bi hemkarîya zerrîwaştîyan sey her wext raya pêroyî rê pare bikerê. Sevcane va tecrubeyê înan yê weçînayîşê verê estê.

 

‘Hûmara ma resa 10 hezarî’

 

Sevcane dewam de da zanayîş ke înan seba 24ê Hezîrane hedefê xo pîl kerdê û wina va: "Ma hedef kenê ke 81 bajarî de organîzasyonê muşahîdan bikerê. Bi no amancî xebatê ma 81 bajarî de dewam keno. Hûmara zerrîwaştîyanê ma 10 rojan de resa 10 hezarî. Hedefê ma a ya ke ma serê sindoqan de tewr zêde muşahîdan bi ca bikerê. Verê muracatê muşahîdan, muracatê avûkatan zî xeylê baş o."

 

'Ma do asayîşê 190 hezar sindoqan bigîrê'

 

Sevcane dewam de bale ante serê asayîşê sindoqan û va do Tirkiya de nêzdîyê 190 hezarî sindoqî bêrê awankerdiş û sey platform do hewl bidê ser heme sindoqan de bixebityê.

 

Sevcane tewr peynî de va heme kesî serê adresê ‘sandik.oyveotesi.org’ eşkenê qeydê xo bikerê û bibê zerrîwaşteyî. Heto bîn ra dîyar kerde ke hûmara zerrîwaşteyê cinîya  her wext ê camêrdan ra tewr zêde ya.