MÊRDÎN - Avûkat Gulbîn Şahîn Daghana ke Mêrdîn ra namzedê HDPî ya dîyar kerde ke do îhlalkerdişê heqan û xeylê dosyayê Nisêbînî berdê salonê dadgehe û va do nika vengê Nisêbînî berê meclîs.

 

Mêrdîn de 6 namzedê HDPî ra 4 heb cinî yê û yew înan ra zî avûkat Gulbîn Şahîn Daghane ya.  Gulbîne rêza 5ine de ya. Gulbîne 1989 de Nisêbîn de amîya dinya û uca de pîl bîya. Gulbîne wextêke derg mîyanê xebate cinîyan de ca girewta.

 

Gulbîne mektebê sereyîn, mîyanîn û lîseyê Nisêbînî temam kerda û 2009 de Fakulteya Huqûqî yê Unîversîteya Dîcle de wanena. Gulbîne dimayê perwerdeyê lîsansê 4 serran ra dima 3 serran komîsyonê huqûqî yê DBPî de ca girewte û dima ra ageyra Nisêbîn û avûkatî kerde.

 

‘Amancê mi o yo ke îhlalkerdişê heqan vejî meydan'

 

Gulbîna ke nika Nisêbîn de ciwîyena, dîyar kerde ke aye seba îhlalkerdişê heqan yê Nisêbîn de ameyê ciwîyayîş bi raya pêroyî rê bido eşnawitiş bîya namzed e û wina va: "Verê meslege mi de heta destê mi ra bêro ez xebatê cinîyan meşnena û tevgerê cinîyan de ca gêna. Karê ke ma kenê esasê xo de ferz keno. Ez her wext hetê kesê cîya vînayîş, kesê ameyê pelçiqnayîş ca gêna. Amancê mi pîl ê meslekî o bi. Komelî de yê ewil yenê pelçiqnayîş cinî yê."

 

Çira HDP?

 

Gulbînê sebebê tercîhê xo yê HDPî zî va û wina va: "Serrê peyînan de mintiqaya Mêrdînî bi taybetî Nisêbîn de îhlalkerdişê heqan yê cidî ameyê cuwîyayîş. Nê îhalkerdişan de cinî û domanî zî estê. Ez hewldanê HDPî seba cinî û domanan vînenê. Sebebê mi yê tewr pîl ê tercîhkerdişê HDPî o bi.

 

Gulbîne da zanayîş ke HDP reng, ziwan, kultur û baweriyê cîya cuyan temsîl keno û va aye wazena îhalkerdişê heqan yê Nisêbînî ameyê cuwîyayîş meclîsî de bidê eşnawitiş.