BAYBURT- Hepisxaneyê Tîpê M yê Bayburtî ke îhlalkerdişê heqan rojeve ra nêkono, nika zî xeberê raya pêroyî de vejênê kenê sebeb û cezaya pêvînayîşê akerde danê hepsîyan. Merdimê hepsîyan şî pêvînayîş zî dîyar kerdî ke hepsîyan vejyayîşî pêvînayîşî red kerdê. Hepsîyê ke bi telefon keyeyê xo geyrayê dîyar kerdî ke ganî heyetêke bêro hepisxane û cigêrayîş bikerê.

 

Yew hepisxaneyê ke îhlalkerdişê heqan la her ke şino zêde beno, hepisxaneyê Tîpê M yê Bayburtî yo. Tewr peynî hepsîyan bi hemkarîya keyeyê xo mesajêke eşrawitî û dîyar kerdî ke ganî heyetêke avûkat û temsîlkarê şarî yenê meydan hepisxane û pêvînayîş bikerê.

 

Ame zanayîş ke seba xeberê îhlalkerdişê heqan, şîdet û tedayê hepisxaneyan de yenê cuwîyayîş, kerdê sebeb û cezaya pêvînayîşê akerde dayê hepsîyan û bi aşman o hepsî nêeşkenê keyeyê xo bivînê û keyeyan ra vatê red kenê nêvejênê pêvînayîş. La hepsîyê mîyanê hewteyî bi telefon keyeyanê xo geyrayî zî dîyar kerdî ke qedexeyê pêvînayîşî sey înan ra ameyo vatiş nîyo.

 

Hepsîyê ke bi telefon keyeyê xo geyrayî dîyar kerdî ke qedexe seba pêvînayîşê telefon û xeberê ke vejyayî ameyê dayîş û dîyar kerdî ke selahîyetdarê hepisxaneyê vatê ke 'tîya ra tepya şima do bi lingê viran vejyê pêvînayîş.

 

Hepsîyan ra vengdayîş

 

Heto bîn ra hepsîyan da zanayîş ke pêvînayîşê bi wesîleyê roşanî zî ameyê betalkerdiş û vengdayîş kerdî ke ganî heyetêke bêro hepisxane. Merdimê hepsîyan zî vengdayîşê wayîr vejyayîşê hepsîyan kerdî.