ŞIRNEX - Cinîyê Şirnexî yê seba weçînayîşê 24ê Hezîrane seba HDPî xebityenê dîyar kerdî ke seba HDP hêvîya cinîyan o ê vanê HDP.

 

Şirnex de amadekarîyê weçînayîşî bêmabên dewam kenê û cinî hêvîye bi HDPî dir vînenê.

 

‘Ez Hacî Bîrlîk, Mehmet Tunçî ra bandure bîya

 

Elfesya Nase arde ziwan ke HDP hêvîya cinî û ciwanan o û wina va: "Ma sey Şirnexijî ganî têkoşînê aştîye de bê. Merdim serê na herre de nêeşkenê bê çîyêke bikerê vinderê. Merdimî xo baş hîs kenê. Wexto ke mi no qerar da ez Haci Bîrlîk, Mehmet Tunçî ra bi bandure bîya. Ez cesedê ke dolaba qeşayî de ameyî nimtiş bi bandure bîya."

 

Elfesya da zanayîş ke ê bawerê ke 24ê Hezîrane de serkewte bê û va ê kesê ke wayîrê wijdanî yê dawetê HDPî kena.

 

‘Ez sey dayîkêke û cinî vana HDP’

 

Nurcan Alturke zî da zanayîş ke serê na herre de seba ke zulm peynî bibo, beşdarê xebatan bîya û wina va: "Kesê hewl danê ma bitersnê, ma tewr zêde xurt kenê. Ma tewr zêde bi yewbînan gênê. Ez hem domananê xo rê ewnîyena û hem zî xebatê HDPî de ca gêna. Ez veng dana cinîyan. Ma dorê partiya xo de bibê yew. Sey cinîyêke û sey dayîkêke vana HDP.”