Şehrîban Aslan

 

AMED - Hemsereka HDPî ya Amedî Fîlîz Buluttekîn derheqê xebatê weçînayîş û asayîşê weçînayîşî de zanayîş da. Fîlîze arde ziwan ke heme wezîfedar û komîsyonê înan amade yê û wina va: "Ma do qetî destur nêdê diznayîşê rayan."

 

Amed de amadekarîyê asayîşê weçînayîşî bêmabên dewam keno. Hemsereka HDPî ya Amedî Fîlîz Buluttekîn derheqê xebat û asayîşê sindoqand de qisey kerde û dîyar kerde ke do xeylê cayê bajarî de standan awan bikerê û serdayîşê esnafan bikerê, şandînan zî buroyan û fitaran de xebatê xo bimeşnê.

 

'Ma qetî destur nêdanê diznayîşê rayan’

 

Fîlîze va ke xebatê derheqê asayîşê weçînayîşan de dewam kenê û wina va: "Hemverê nê xîleyê weçînayîşê xebatê ma yê muşahîdan, berpirsîyarê mekteban, komîsyonê taxan estê. Hemverê xetereyê diznayîşê rayan ma do xebatanê xo bêmabên bimeşnê."

 

'Do serkewte nêbê'

 

Fîlîze da zanayîş ke do dewan de zî wayîrê sindoqan vejyê û do serkewte nêbê. Do qetî destur nêdê dizdî û xîleyan.

 

'Şar hemverê zulmî vano HDP’

 

Fîlîze tewr peynî wina va: "Şar bende 24ê Hezîrane yo. Şar hemverê zulm, teda û faşîzmî vano HDP. Ma heme hêz û pêşnîyarê yê xo şarî ra gênê. Ma vanê senîn netîceyêke eşkeno bêro girewtiş. Ma munaqeşeyan kenê. Şar bi heme coşê xo verê ma de ca gêno. Ez veng dana heme cinî û ciwanan ke wayîr sindoqan vejyê. Ma do şew û roj xebate bikerê. Verê bazaran, verê nêweşxaneyan, verê AVMyan de bixebityê. Ma do şandînan şêrê keyeyan. Ma do beşdarê nimajê tirawîhan bibê. Ma do buroyan de panel û forumê qijan viraznê. "