MÊRDÎN - Kerboran de esnafan rê ame ferzkerdiş ke beyraqa Tirkan kargerîyê xo rê bidaliqnê. Esnafan dîyar kerd ke bi zor beyraqe bi înan ameya daliqnayene û vatî vernê de ameyê îqazkerdiş, dima ra zî zanayîşê eke nêdaliqnê do ceza bidê înan dayê.

 

Ame îdiakerdiş ke qayûm tayînê şaredarîya Kerboranî bîyo û kargerîyan rê daliqnayîşê beyraqe Tirkan ferz kerdo. Qezaya ke açernayê hepisxaneyê akerde, dimayê qayûm ame tayînkerdiş ra dima karkerî şaredarî ra ameyî eştiş û vera înan qorîcîyan girewtî kar.

 

Zabitan tehdîd kenê

 

Qezaya ke bi seyan qorîcî û nobedarê asayîşî estê, tedayê dewlete zî roj bi roje zêde benê û ame vatiş ke nika zî seba cayê karî daliqnayîşê beyraqa tirkan ameya ferzkerdiş. Goreyê çimeyê mintiqa dimayê qayûmî, zabita qeza de geyrenê û esnafan re vanê ‘şima do beyraqe bi daliqnê'. Kesê ke nê caardişî bi ca nêdnê  zî ceza ro înan yena birnayîş.

 

Vernê de tehdîd dima ra ceza

 

Esnafan da zanayîş ke bi zor beyraqe bi înan danê daliqnayîş û nê çî vatî: "Verê seba 15ê Temmuze kerdêne. Nika vanê gerek her wext bayreqe biba. Kesê ke nêdaliqnenê zî înan tehdîd kenê. Çend quruşê ke ma qezenc kenê zî ma ra gênê."