MERKEZÊ XEBERAN - Prof. Dr. Kerîm Guler derheqê nêweşîya Hîpertansîyonî ke Tirkîya de her ke şino zêde beno zanayîş da û hetê werdî de hişyariyê girîng kerd.

 

Goreyê dayeyê Rêxistinê Weşîye Dinya seba hîpertansîyon û nêweşîyê ke benê sebebê ci, hûmara kesê cuya xo vinî bikerê do serra 2020 wirzo  23.4 mîlyon. Tirkîya de zî ser ê emrê 40î de di kesan yew nêweşîya hîpertansîyonî yo û pêroyî de 15 mîlyonî nêweşê hîpertansîyonî estê. Seba qelewbîyayîşî Tirkîya de tewr zêde cinîyan dir yeno vînayîş.

 

Serekê Komeleya Pisporîyê Nêweşîyê Zerî ê Turk û Endamê Beşa Zanayîşê Nêweşîyê Zerî ê Fakulteya Tipê yê Stenbolî Prof. Dr. Kerîm Gulerî derheqê  hîpertansîyonî de qisey kerd.

 

'Xeylê bandure ci estê'

 

Kerîmî da zanayîş ke nîşaneyê hîpertansîyonî dejê serî,  dewxeşîyayîş, sûrbîyayîşê rî, eştişê qelbî, rincanî û va ê zaf kêfweşê ke nê nîşane yenê vînayîş semedo ke nêweşî hema fam kenê ke hîpertansîyonê înan esto. Kerîmî va reyan keye de xeylê kesî nêweşê  hîpertansîyonî yê û no zî werdê ke wenê ra yo.

 

'Kiştoxo bêveng'

 

Kerîmî va ke tewirê hîpertansîyono ke nîşaneyê ci çin ê zî estê û wina va: "Tansiyono berz virazêno la nêweş gerre nêkeno. No tewir hîpertansîyonî ra vanê 'kiştoxo bêveng'. Semedo ke zanayîşê nêweşî ci ra çin o."

 

Kerîmî da zanayîş ke Tirkîya de nêweşîya hîpertansîyonî cidî nîno girewtiş û goreyê welatê bînan dermankerdişê na nêweşîye xeylê kêm a. Kerîmî va hîpertansîyon qelb zî pîl keno û va pêroyî de wexto ke teşîsê nêweşî yeno ronayîş xeylê erey yeno mendiş. Kerîmî va ganî nêweşî hewayê germ û serdî de baldar bê û eynî wextî de babeta xebitnayîşê sole û rûnî de zî hişyarî kerd.