MÊRDÎN - Seba projeyê 'Batti-Çikti' yê aşma Êlule de dest bi xebate ci ame kerdiş û bi îfadeyê 'xizmetê pîl' raya pêroyî rê ame îlankerdiş, darê nêzdîyê rayîrî ameyî birnayîş.

 

Çarçeweya OHALî de bi KHK ameyî vetiş dir seba 93 şaredarîyê DBPî qayûm ame tayînkerdiş û yew nê şaredarîyan ra zî Bajarê Gird ya Mêrdînî bî. Qayûmê ke tayînê heme qezayan zî bî karê înan ewil xirakerdişê rayîran bi. Qayûm Mustafa Yaman  xizmetê ke kerdêne her wext çapemenîya mintiqa de bi ca kerd û verê bi desan rey hetê şarî ra ame rexnekerdiş.

 

'Xizmetê pîl' nêqedêno!

 

Projeyê 'Batti-Çikti' yê aşma Êlule de sey 'xizmetê pîl' ame îlankerdiş serê cadeyê Diyarbarkir yenê viraştiş la nika temam nêbîyo. Projeyê ke nînê zanayîş do kenga temam bibo trafîk serobin kerdê û hemwelatîyê rayîr ra derbaz benê probleman cuwîyenê û çalê akerde rayîr da estê.

 

Darî ameyî birnayîş

 

Çarçeweya projeyî de kepçeyê xebityenê zirar danê xoza. Parqê 15 Temmuze ke tede xebat yenê meşnayîş ca gênê, bi sebebê do rayîr bêro hîrakerdiş bi desin darî  ameyî birnayîş. Yeno îdiakerdiş ke do hûmara darê ke bêrê birnayîş zêde bibê.

 

Hemwelatîyê parqî reaksîyon mojnayî ra û dîyar kerdî ke karêke senîn o û wina va: "Bi sozê do tewr weşik bibo, rayîr û park ardî na rewşe. Beno tîya her tewir qeza bibo. Hemverê nê kes tedbîr nêgîno. Çalê serê înan akerde estê. Domanî derbaz benê. Ma nê zîhnîyetê xoza qetiş kenê matmayî temaşe kenê."