STENBOL - Cinîyê Armenî yê ke Stenbol de cuwîyenê dîyar kerdî ke ê weçînayîşê 24ê Hezîrane de piştdayîş danê HDP û namzedê serekkomarîyê Selahattîn Demîrtaşî.

 

Weçînayîşê 24ê Hezîrane her ke şino nêzdî beno û hetê cîya yê komelî seba HDPî û namzedê serekkomarîyê Selahattîn Demîrtaşî piştdayîş dewam keno. Dimayê şarê Elewî, Çerkez û Hemşîn, Ermenîyan zî îzahatê piştdayîşê seba HDPî ame.

 

Sultan Mihçi ke mektebêke perwerde dana domanê Armenîyan, dîyar kerde ke seba têduştî xeylê girîng o û wina va: "No semed ra zerrîya mi hetê HDPî yo. No semed ra problemê Armenîyan ê perwerde estê. Ma wazenê mektebê xo bi sîstemê xo perwerde bidê domananê xo. Ez welatîbîyayîşê têduşt wazena. No zî ancax bi HDPî eşkeno bibo."

 

Sultane arde ziwan ke wa her kes seba HDPî rayanê xo bixebitnê û ganî wayîr sindoqan vejyê.

 

'Seba dejî peynî bibê HDP'

 

Sona Sadetyane zî va ê hetê aştî û azadîye û HDP zî na xete de xebatan meşnenê. Sona wina va: "No semed ra ez piştdayîş daha HDP û namzedê HDPî. Ma sey armanîyan xeylê dej ant. Seba ke nê dejî peynî bibê, ez na bawerî de ya ke do HDP meclîse de bibo vengê ma.

 

Gulîzar Laçîne zî da zanayîş ke aye hemverê şerê û nê çî vatî: "Ma piştdayîş danê HDPî. HDP seba şaran xeylê girîng o. Ez xo HDPiyij vînena. No semed ra zerrîya mi hetê HDPî yo."