AMED - Îşkence cenazeyê ro YJA-STAR û HPGijan yenê kerdiş dîmenê serrê vîyarte anê hişê merdiman û keye wina vanê: "Cenazeyê ma ra tersenê. Nêverdenê ma kar û barê definkerdişî bikerî. Wexto ke ma xo ver danê zî vanê ‘di deqeyan de karê xo bikerê. nimacê cenaze ci nêro kerdiş' Nêverdenê ma şînê xo zî ronê."

 

Cenazeyê endamê YJA STAR û HPGî ke demê peyînan de pêrodayîşan de cuya xo vinî kerdî îşkence yeno kerdiş û keyeyan rê zî tedayê psîkolojîk yeno kerdiş. Îşkenceyê cenazeyan yeno kerdiş serrê 90an ano hişê merdimî.

 

Eynî zîhnîyet dewam keno

 

Serrê 1990 de caardişê hemverê merdimî her wext ameyne rojeve û yew pêşengê kadroyê PKKî Mahsun Korkmaz (Egît) û  hunermendê Kurd Hozan Serhad zî mîyan de xeylê PKKyijî helîkopteran ra ameybî eştiş. Caardişê ê rojan ewro zî yenê kerdiş.

 

Dîmenê ke telefon de vejyabî meydan

 

30ê Hezîran û 1ê Temmuza 2010 de Berwarî yê Sêrte de pêrodayîşî ke de 12 gerîlayan cuya xo vinî kerdebî û îşkence cenazeyan amebi kerdiş, telefonêke de vejyabi meydan. Leşkerêke beşdarê operasyonî bibi telefon ritib dikanêke rê û uca de vejyabi meydan. Dîmenen da cenaze kerdibî torban û leşkeran sere û lingê înan girewtêne û raste rast eştêne romorkê wesayîtî. Heto bînra qiseykerdişan de heqaret cenazeyan ameyne kerdiş.

 

Cenazeya Ekîn Wane rê îşkence

 

10ê Tebaxa 2016 de Gimgimê Muşî de Kevser Elturk (Ekîn Wan) ya YJA-STARije amîbî qetilkerdiş û bedenê aye amebi teşîrkerdiş. Cinîyan dimayê nê dîmenan çalakîyê ‘Ekîn Wan rewşa viran ya xoverdayîşê ma ya' viraştibî.

 

Haci Lokman Bîrlîk û Taybet Înan

 

2015 de Haci Lokman Bîrlîko ke Şirnex de ame înfazkerdiş bi wesayîtêke zirxî rê amebi girêdayîş û fotografê ey ameybî weşênayîş.

 

Reyna 14ê Teşrîna Peyêne 2015 de Erdîş Tendurek de cenazeyê hîrê HPGyijan amebî veşnayîş û dima ra zî dore de govende geyrnabî. No zî fotografan de vejyabi meydan.

 

Cenazeya Taybet Înana ke 19ê Teşrîna Peyêne 2015 de prosesê qedexeyê tebervejyayîşê kuçeyan de amî qetilkerdiş, cenazeya aye 7 rojan kuçe de mende û dimayê 23 rojan amîbî definkerdiş.

 

Keyeyê ke şî cenazeyan bigîrê reaksîyon mojnayî û wina vatî: "Cenazeyanê ma ra tersenê. Nêverdenê ma kar û barê definkerdişî bikerê.  Wexto ke ma xo ver danê zî vanê ‘di deqeyan de karê xo bikerê. nimacê cenaze ci nêro kerdiş' Nêverdenê ma şînê xo zî ronê. Kam ci dîn de wina çî estê? Yê ke vanê ma muslumanê wina kenê."

 

'Gorey xo ra heyf gênê'

 

Rahîme Çelîke da zanayîş ke çîyê ke yenê kerdiş hemverê merdimayîyê û wina va: "Şima kesê ke cuya xo dayê înan ra çi wazenê? Keyeyî xora dejê domananê xo ancenê. Yê ke wina kenê xo ra vanê ma musluman ê. Ê vanê qey do wina heyf bigîrê. La nêzanê ke do çi biko destê înan. Ê domanê ma yê. Ma qetî înan tena nêverdenê."

 

Ravzeta Çakman zî wina va: "Yê ke wina kenê musluman nîyê. Heme şerê ke yenê cuwîyayîş biewnê, şima çîyêk wina vînenê?"