MÊRDÎN - Hepsîyê hepisxaneyê Tîpê E yê Mêrdînî hîrê aşmî yo seba kamera û qeydê veng pêvînayîşan de yenê girewtiş, pêvînayîşê bi avûkatan dir nêvejênê.

 

Bi prosesê peynî dir yew cayê ke tewr zêde teda ro ci yenê cuwîyayîş hepisxaneyê û hema hema her roje zanayîşê îhlalkerdişê heqan yenê. Caardişê kêfî, îşkenceyê cigêrayîşê viran û surgun. Heme hepisxaneyî bi nê caardişan yenê rojeve û bi KHK yê tewr peynî ke ameyê weşenayîş dir ame îdiakerdiş ke caardişê cilê yew reng zî ardê. Yew nê hepisxaneyê ke tewr zêde teda ci de yeno cuwîyayîş hepisxaneyê Tîpê E yê Mêrdînî yo û ame vatiş ke hepsî hîrê aşmî yo nêvejênê pêvînayîşê bi avûkatan dir.

 

Pêvînayîşan de kamera yenê ronayîş û qeydê vengan yenê girewtiş

 

Aşmê peyîn de hepisxaneyê ke tewr zêde surgun ci de ameyî cuwîyayîş, tena 15 hepsî mendî. Seba kamera û qeydê vengî pêvînayîşan de yenê ronayîş, hepsî wextê peyînan de bi avûkatanê xo dir pêvînayîş nêkenê. Aşmê peyînan de no caardiş yeno kerdiş hetê hepsîyan ra nêame qebulkerdiş û pêwa îtîrazan îdareyê hepisxaneyî çîyêk nêkerd. Hepsîyan bi hemkarîya keyeyan mesaj eşrawitî û vatî heta qeydê vengî nêrê vindernayîş do nêvejîyê pêvînayîşê bi avûkatan dir.