Gulîstan Azak

 

MELETÎ - Mamosteya teqawît Fîkriya Bayire hacetê kan bi metodê cîya newe ra viraznena. Fîkrîye kulturê bêberardîşî rexne kerde û va ganî ê bibê komelo ke berardiş keno.

 

Fîkrîya Bayira 62 serrî masaya werdî ra bigî heta tepsî, sehpayê çay û xeylê hacetê bîn ê kan, bi metodê cîya newe ra viraznena û dîyar kena ke ê bi no karî babeta nêxebetnayîşê eşyayê kanî de komelî kena wayîrê hişmendî. Mamosteya teqawît Fîkrîye serê heme tewir textan de xebata xo meşnena, vera hecatê neweyan yê kanan newe ra viraznena.

 

'Ma cinîyan dir kede xo kolektîf kenê'

 

Fîkrîye da zanayîş ke aye seba cinîyê derûdorê xo babeta newekerdişê hacetan de dem bi dem bena hetkar û va: "Newekerdiş û viraştişê karêke xeylê şenik û asan o. Ez babeta newekerdişê hacetan de her wext israr bikerî. Semedo ke ma berardiş kerdo xo vîr ra, ma her wext xebitnenê. Ma do cinîyan dir keda xo tewr kolektîf bikerê û hîna karê  baş bikerê."

 

Fîkriye peynîya qiseykerdişê xo de veng da heme cinîyan ke cinî berardiş kenê û awankerdox ê û gerek hacetê kan newe bikerê û bi ekonomîya keye qezenç bikerê.