COLEMÊRG - Pirdê Sîrînusî yê dewa Sîrînusê Şemzînanî de yo, bi xetereyê çinbîyayîşî dir rî bi rî yo. Dewijan dîyar kerd ke pêwa bi desan rey muracat kerdê zî pird nêameyo tamîrkerdiş.

 

Pirdê Sîrînusî  yê dewa Sîrînusê Şemzînanê Colemêrgî, 1986 de ameyo viraştiş û şar serê no pirdî ra derbaz beno. La pird nika binê xeterê rijnayîşî de yo. Şarê ke bi îmkananê xo pird viraştê û pê xo resnenê bajar, semedo ke varana zêde nîno xebitnayîş û ame vatiş ke ver bi rijnayîşî yo.

 

Şarî dîyar kerd ke verê seba ke xo biresnê bajar û zozanan la bi daran hetê çemî rê girêdayê û wina derbazê kîşte bîn bîyê û vatî nika eke pird nêro tamîrkerdiş do ganê şarî zî biko rîsk.

 

'Hema çîyêke nêbîyo pird bêro tamîrkerdiş'

 

Dewijan da zanayîş ke heta nika muracatê heme cayan dayê la cewabê 'do emsar bêro viraştiş' girewtê û vatî: "Bi no hewa ma eweqnenê. Do seba weçînayîşan bêrê rayan biwazê. Gelo rîyê înan esto bêrê? Viraştişê rayîr û pirdan wezîfeyê înan o. La sey bexşê ma kenê. Bi serran o ma bi îmkananê xo pird tamîr kenê. La senîn varanêke varena sîyê ey konê. Hema ke çîyêk bi kesî nêbîyo gerek pird bêro viraştiş."