Gulîstan Azak

 

AMED - Cinîyê Amedî dîyar kerdî ke  hemverê tifaqê AKP-MHPî tifaqê şaran bêro awankerdiş û vengdayîşê wayîrvecyayîşê sindoqan kerdî.

 

Dimayê weçînayîşê hetê tifaqê AKP û MHPî ra ameyo girewtiş Kurdistan de xeylê bajaran bername û çalakî ameyî qedexekerdiş. Cinîyê Amedî dayî zanayîş ke seba xebatê HDPî bêrê astengkerdiş nê qedexeyî ameyî kerdiş û va ganî hemverê tifaqê AKP-MHPî, tifaqê şaran bêro awankerdiş.

 

‘Ganî kedkarî wayîrê sindoqan vejyê'

 

Hulya Alokmene da zanayîş ke AKP qezencê şaran û kedkaran îhlal keno û bîyayîşê xo dewam kena û wina va: "Ganî bi taybet kedkarî ser sindoqan de wezîfeyê xo bikerê. AKPî hemverê sazgehê ke bi KHKî girewt, çapemenîya xo xebitna. Ez veng da cinîyan. Weçînayîşan de do şarê Tirkîya û Kurdistanî qezenc bikerê. Bêrê ma weçînayîşan de bibê yew. Ma tifaqê xo hemverê tifaqê AKP-MHPî awan bikerê."

 

‘Weçînayîşê şertê adîlane de nêvirazêno'

 

Hulya Işike zî da zanayîş prosesê ke sîyasetmedar tewqîfkerdeyî de no weçînayîş adîl nîyo û wina va: "Ganî hemserek û hemşaredarê HDPî ganî bêrê veradayîş. Ganî alozî sîstemê perwerde û krîzê ekonomî ganî bêrê çareserkerdiş. Problemêke bîyo girêkê probleman. La kes te dir eleqedar nêbeno. Vanê do weçînayîş virazyo."

 

Endama EMEPî Çagla Yolaşane reaksîyonê xo wina ardî ziwan: "Bi rejîmê OHALî dir heme heqê kedkaran dest ameyî girewtiş. Ma sey partîya EMEPî do rejîmî teda têkoşînê xo dewam bikerê. Hemverê kede, sey HDPî ser nameyê partîya xo wayîrê rayanê xo vejyê."

 

Ayşe Durane zî operasyonê siyasî yê dewam kenê ard vîr û va hemverê zulmî bi wijdanê xo şêrê serê sindoqan û va do têkoşînê xo dewam bikerê.