ŞIRNEX - Ciwanê Şirnexî dîyar kerdî ke netîceyê weçînayîşê 24ê Hezîrane hetê înan ra dîyar o û vatî: "Ma rayan nêdanê kesê ke bajarê ma veşnayî. HDP do 4-0 serkewte bo."

 

Seba weçînayîşê serekkomar û parlamenterî rê wextê ke tay mendo. Yew bajarê Kurdan Şirnexo ke wayîrê potansîyelê rayê girîngan o, bi qeraroke adetê xo xira nêkero. Ciwanê ke prosesê îdareyê xoser de pêwa veşnayîş û rijnayîşê bajar terk nêkerdî vanê: "Seba ma netîce nika ra dîyar a."

 

'Qezenckerdişê HDPî Şirnex de bi adet'

 

Zîlan Îrmeze arde ziwan ke şarê Şirnexî her wext wayîrê îradeyê xo vejyay û nê çî vatî: "Qezenckerdişê HDPî tîya bîyo sey adet. 4 parlanmenterê ey ma do bigîrê. Ma do wayîr sindoqanê xo vejyê. Ma do qezenc bikerê."

 

'Ma do rayan nêdê kesê bajarê ma veşnenê'

 

Sebahat Îşleke zî ard ziwan ke yewin partîya nêzdîyê şarê Şirnexî HDP ya û va ê tena têduştî, aştî, aramî û demokrasî wazenê û va yewin partîya ke nê ca bîyaro HDP yo. Sebahate qiseykerdişê xo wina dewam kerde: "AKP her wext Kurdan qebûl nêkeno. Her wext ezyet bi şarê Kurd keno. Şirnex de heme keyeyî ameyî rijnayîş. Bi no hewa aramî nêvirazêno. Wazenê ma TOKÎyan de bi ca bikerê. Ma rayan nêdanê kesê bajarê ma veşnayê. Semedo ke hemwelatîyê tîya vanê HDP."

 

'Yewin netîceyê tîya ra vejyo: HDP'

 

Şîlan Îrmeze zî da zanayîş ke zulmê AKPî tewr zêde xo Şirnex de mojnaw ra ke tifaqê bi MHPî dir kerdo zî eynî amancê hedef keno. Şîlane peynî de da zanayîş ke yewin netîceyê weçînayîşê Şirnexî vejyo meydan HDP yo."