STENBOL - Edîtora Ozgurlukçu Demokrasî Hîcran Uruna ke hepsîya dîyar kerde ke hukmkerdiş hepisxane de zî dewam keno û Heyetê Hepisxaneyî persê 'qertê to yê çapemenî esto' pers kerdo.

 

Edîtora rojnameya Ozgurlukçu Demokrasî Hîcran Urune nameyê ke hepisxaneyê cinîyan ê Bakirkoyî ra eşrawito de çîyê ke cuyaya qalî kerda. Hîcrane da zanayîş dimayê ke ameyê tepiştiş dima hepisxane de zî rastê muhakemekerdişî ameyê. Hîcrane ard ziwan ke wexto ke rewşe wina bo Hîtler yeno hişê merdiman û nameyê xo de wina va:

 

"Wexto ke babete bena çapemenî berpirsê propagandaya Hîtler beno Goebbels. Yanî Goebbelso ke Elmanya Hîtler rexne keno, her rojname gêno û her kesî xayînê welat îlan keno. Ez wina fikrîyena ke lazimî bi nê vatişê Goebbelsî roja ewro nînî vînayîş. Embazê mi yê rojnameger mi dir ameyê tewqîfkerdiş bi tecrubeyê Hîtler 'xayînê welat ê'.

 

Delîlê aysaye çin ê talîmatê aysaye estê

 

Ez nika prosesê 'xayînê welat' yê bi vatişê îqtîdarê Tirkîya vana. Dimayê TMSFî dest da serê rojnameyê ma dima raste rast ma keyeyî ma ra ma girewtî û dozgerî hema rîyê ma nêdîbi ma sewqê tewqîfkerdişî kerd. Dimayê muhakemekerdişê di deqeyan dima ma ameyî tepiştiş. Tepişnayîşê ma de delîlê aysaye çinbi la talîmatê somut bi. Ez do şima rê prosesê hepisxaneyî vajî.

 

Hepisxane de ma rastê cigêrayîşê viran ameyî. Ma şewêke hucre de girewtî. Dima ra heyetê hepisxaneyî nas kerd. Yanî dadgeha esas newe dest pêkerd. Pers û sûcdarî, newe dest pêkerdêne. Rincanî û matmayîbîyayîş ez tena çend heban ana vîr. Persê sey 'Tu endama rêxistinê terorî ya?', 'Tu rojnameger a?', 'Qerta to yê çapemenî esto?' kerdî.

 

Dimayê nê kayê tîyatro ra dima ma eşrawitî koxuşê ma. Senîn berê koxuşe ame akerdiş, hepsîyê sîyasî ma pêşwazî kerdî. Rêncanî û matmayîbîyayîş şi. Embazêke poşetê çopî ê destê mi girewte û a bîne zî çaye arde. Persê 'qertê to çapemenî esto?' na rey zerrîya mi cewab dana 'Wicdanê mi esto.'

 

Sey Apê Musa, sey Gurbetelî Ersoz.

 

Ez zana ma do reyna bêrê!"