ÎZMÎR - Cinîyê 1ê Gulane de meydanê Gundogdu de ameyî têhet û vatî: "Têkilbîyayîşê welidnayîş, cil û belgê ma benê. Ganî 1ê Gulane ra heta 24ê Hezîrane heme muxalîfî bi piştdayîş têbigeyrê û no îqtîdarî serê ma ra berê. Yê ke xo ver danê do qezenç bikerê."

 

Cinîyê her çar hetê Îzmîrî ra ameyî Meydanê Gundogdu û 1ê Gulane pîroz kerdî, reaksîyon mojnayî polîtîkayê AKPî. Platformê Ma Do Kiştişê Cinîyan Vindarnê Sanem Denîz Kurale dîyar kerde ke hemverê kiştiş û hêrişê zayendî yê hemverê cinî û domanan qîrayê.

 

Sevînç Akdenîze zî seba piştdayîşê mêrdeyê xo  Salîh Akdenîz û xoverdarê Konakî yê Şaredarîya Bajarê Gird ya Îzmîrî ra ameybî estiş meydan de bî. Sevînçe dîyar kerde ke ê bawerê ke do xoverdayîş serkewte bo û va xoverdarî do qezenc bikerê.

 

Gullu Karadaga ke cinîyêke Yoruk bî û kortejê HDPî de ca girewte da zanayîş ke dewijî rewşêke nêbaş de yê û wina va: "Mazot vayo. Dermanê ramitişî vayê û bi zirar ê. Problemo tewr pîl ê cinîyan betalbîyayîş o û înan nêkenê cayê merdiman. Keda înan nîna vînayîş. Kiştişê cinîyan wextê AKPî de zêde bîyê. Pêwa heme çî ma benê. Weçînayîş reyna yenê. Kam heqê cinîyan paweno ma do ray bidê înan."

 

Melahat Guzele zî reaksîyon nûktayê cigêrayîşê ke binê nameyê asayîşî de yenê kerdiş de da û arde ziwan ke asayîşê şarî do şar bigîro.

 

'Qestê ganê heme ganeyan kenê'

 

Endama Partîya Keskan û Ameyoxê Çepî (Sol Gelecek) Nevîn Aytekîne zî wina va: "Sey her serre emsar zî 1ê Gulane de bi waştişê azadî û têduştî vejyayê waran û va her cayê Tirkîya bi destê dewlete xoza ameya qetilkerdiş û va no weçînayîş de bi HDPî dir ê.

 

Serap Akpinare zî arde ziwan ke ê bi serran o hemverê şîdetê serê cinî û domanan têkoşîn kenê û va ganî 1ê Gulane ra heta 24ê Hezîrane piştdayîş dewam bikero.