Evrim Kepenek 

 

STENBOL - Kitabê bi nameyê 'Kaktus bê awe zî eşkenê bicuwîyê' yê 46 şahidê cinîyê hepisxaneyê Mamakî yeno meydan û xeylê belge teslîmê Kitabxaneyê Berardişê Cinîyan Stenbolî ame kerdiş.

 

Cinîyê prosesê derbeyê 12ê Êlule 1980 de hepisxaneyê Mamakî de mendî kitabê bi nameyê 'Kaktus zî bê awe cuwîyenê' nuştî. Kitab hetê 46 cinîyan ra ame nuştiş. Kitabxaneyê Berardişê Cinîyan ê Fatîhî û înternet ra merdim eşkenê kitab peyda bikerê. Eynî wextî de kesê ke wazenê belgeyê aîdê ê wextî cigêrayîş bikerê zî kitabxane de eşkenê bivînê. Semedo ke cinîyan kitab teslîmê kitabxane kerd. 

 

'Çîyê ke ma cuyayî wa nêrê xovîrrakerdiş' 

 

Nuştoxê kitabî ra Fatma Polat Akate, 17 serrî ya xo de kona hepisxane. Fatma 19 serre de hepisxane ra vejêna û dimayê 36 serran ra dima rojnameyêke de xebera bi serê nameyê 'nameyê wayîrê xo geyrenê' vînena û fikrê aye seba cuwîyayîş vuryeno. Xebere de nameyê o wextî nêdayê hepsîyan qal kerdêne. Fatma dimayê ke eşnawena nameyî do Enqere de bêrê avistiş, embazanê xo yê ê wextî vînena û bi 46 embazanê xo dir qerarê nuştişê kitabî gêna. 

 

Nuştişê kitabî hîrê serran dewam kerd û 2011 de vejya. Fatma dîyar kerde ke kitab seba înan zaf bi erjo û va aye Mamakî de musaya ke wexto cinî bêrê têhet tu hêz nêeşkeno hemverê înan vindero.

 

Sanîye Nazîk Işike zî bale ante serê girîngîyê kitabî û va: "No kitab tarîx de, kitabêke xoverdayîşî û no semed ra kitabxane de zaf girîng o."