AMED - Îdarekera CHPî ya Amedî Gonul Ozele dîyar kerde ke polîtîkayê zayendperest yê îqtîdarî bi destê hukmî û çapemenî şîdet rewa keno û no semed ra zî ganî heme cinî pîya têkoşîn bikerê.

 

Îdarekera CHPî ya Amedî Gonul Ozele polîtîkayê cinîyê AKPîyijan şîrove kerde û va: "Ganî rêxistinê cinîyan hemverê kiştişê cinîyan û îstîsmarê domanan bibê yew."

 

'Kiştox zano ke cezayêke kêm gêno'

 

Gonule bale ante serê merheleyê bi xof ê zêdebîyayîşê kiştişê cinîyan û wina va: "Xeylê xo nameyê ‘namûsî’ xebitnenê. Semedo ke kiştoxê ke vejênê hemverê  huqûqî wexto ke wina vajê zanê ke do cezaya înan biko."

 

Gonule qiseykerdişê xo wina dewam kerde: "Semedo ke cinî azadîya ekonomî bixobaerbîyayîş qezenc kenê, camêrdî nêrehet benê. Hemverê na rewşe gerek cinî hîna têkoşîn bikerê. Gerek cinî xora tewr zêde bawer bê, tewr zêde warê xebate de ca bigîrê, tewr zêde cuya komelî de ca bigîrê. Nêzdîyê zayendperest sey şîdetê sîstematîk verê xo dano cinîyan.

 

'Çapemenî de şîdetê sîstematîk esto'

 

Gonule da zanayîş ke şîdetê serê cinîyan çapemenî de newe ra yeno berardiş û va bi konseptê zayendperest şîdetî rewa kenê. Gonule tewr peynî wina va: "Nê çî heme hetêk ra bi OHALî dir sazgehê cinîyan ameyî padayîş û şîdetê cinîyan nê dir tewr giran bi. Heme temsîlkarê şarî wezîfe ra ameyî girewtiş, îradeyê şarî çin ame hesibnayîş. Ma wazenê na teda peynî biba."