ENQERE - Avûkat Sevînç Hocaogullari dîyar kerde ke seba hîn vatişê zayendî ferhengê TDKî ra bêrê vetiş, waştiş amebi kerdiş û derheqê waştişî de 6 aşmî bi mabêne di qerarê dadgehe estê û yew pozîtîf û yew zî negatîf o. Sevînçe dîyar kerde ke gerek di qerarî bêrê hemverê yewbînan û ganî rolê hukmî yê awankerdişê têduştîya zayendî bêrê munaqeşekerdiş.

 

Dadgeha Îdarî ya Mintiqaya Enqerî (îstînaf), qerarê ke 6in Dadgeha îdarîya Enqereyî, seba Sazgehê Ziwan ê Tirk vatişê sey 'musaît, esnaf, yollu,  kîrlî, serbest, kotuleşmek, boyali, oynak, taze' ferhengê Tirkî ra vejê, dabî, dayî vindartiş. Dadgeha îstînafî qerarê vindernayîşî de va verê çiman de ameyo girewtiş ke no vatiş mîyanê şarî de argo yeno xebitnayîş.

 

Avûkat Sevînç Hocaogullari ke prosesê huqûqî taqîb kerdebî, derheqê qerarî de şîrove kerde.

 

Sevînçe dîyar kerde ke derheqê ke nê vatişî fergengê TDKî ra vejyê, 6 aşmî de di qerar ameyê dayîş û yew pozîtîf û yew zî negatîf o. Sevînçe da zanayîş ke qerarê 6in Dadgeha Îdarî ya Enqere bi ewnîyayîşê têduştîyê zayendî dayê û qerar Dadgeha Îdarî ya 18in ê Enqere bê têduştîyê zayendî paweno bêro munaqeşekerdiş.

 

Sevînçe dewamê qiseykerdişê xo de da zanayîş 6in Dadgeha Îdarî yê Enqreyî seba berpirsîyarîyê têduştîyê camêrd û cinî hetê peymanê mîyanneteweyî û destûrê bingehîn de ercnayê û va: "Dewlete seba heqê têduşt ê cinî û camêrdan berpirsîyar a ke tedbîr û sererastkerdişan bikera. La dewlete qerarê betilnayîşî babeta dewa daya. La  Sazgehê Ziwan ê Tirkî têkoşîn û waştişê cinîyan piştgoş kerdê û hemverê qerarê  dadgehe daya, muracatê îstînafî kerda.”

 

Sevînçe tewr peynî wina va ganî beramberê vatişê camêrd û cinî yê ferhengî de bêro ewnîyayîş û esasê têduştîyê zayendî de bêro ewnîyayîş.