Şehrîban Aslan

 

AMED - Sûro ke rijnayîş dewam keno cinîyan bale ant serê weçînayîşê rew û vatî: "Bikişê, birijnê û biveşnê zî ma do qezenc bikerê. Qiyamete zî wirzo ma do rayan nêdê Erdogan.”

 

Sûro ke qedexeyê tebervejyayîşê kuçeyan ê tewr derg ê dinya virazya, rijnayîş hema zî dewam keno. Cinîya bi nameyê Hanim Karakurta Sûr de cuwîyenê, dîyar kerde ke prosesê pirodayîşan de mecbur menda taxe ra vejyo û va heme çî aye ameyo talankerdiş. Hanima ke keyeyêke qij de bi domananê xo dir têkoşînê cuwîyayîşî dana derheqê weçînayîşî de wina va: "Ez bawer a ez tena hemverê feqîrî têkoşîn nêkena. Sûr de keyeyê mi estbi. La seba pêrodayîşan ma vejyayî. Keyeyê ke nika tede ya keye nîyo. Feqîrî zêde bîyo. Seba ke krîz binimnê qerarê weçînayîşî girewtî. Xora krîz estbi no qerar do hîna girs bikero. Gerek şarê Kurd nêheqî rê vajê nê. Ê nê ma do qezenc bikerê."

 

‘Qerarê weçînayîşê cuwîyayîş hîna zehmet kerd'

 

Berîvan Karakurt zî da zanayîş ke ê bi zor cayê înan ra ameyê kerdiş û wina va: "Keyeyê ma bomba kerdî. Kêna mi serrêke û nîm bî bomba eştî keyeyê ma. No semed ra ma taxe ra vejyayî. Ma azadîya xo wazenê. Ma wazenê heme nêbaşîyan ra vajê 'nê'. Qerarê weçînayîşî heme çî zehmet kerd. Ma bi hêvîyê ke HDP weçînayîş qezenç bikero."

 

‘Do Kurdî qezenc bikerê’

 

Nefîse Sevîlmîşa ke Sûr de cuwîyena derheqê weçînayîşî de wina va: "Her kes zano weçînayîş seba xo viraznenê. La seba ma ferq nêkeno û heto qezenç bikero ma yê.  Rayberê Şarê Kurd, hemserek, hemşaredar û parlamenterê ma hepisxane de yê. Eke wijdan bibo do raye xo bidê HDPî.”

 

Saniye Karayol zî va: "Ez raya xo nêdana Erdogan. Her serre gonî rişneno. Tîya rijnayî, no zî qîm nêkerd hêrîşê Rojawa kerdî. Ciwanê ma heme betal ê. Ma do tena seba nê zî rayê xo nêdê Erdogan.”