Îzmîr - Komeleya Karkerê Ciwanan ra Merve Demîre diyar kerde ke têkilîyê bindest yê pelçiqêne de dewlete berpirsîyar a û va ganî karker raste rast beşdarê prosesê girewtişê qerarî berê û rayîrê çareserî zî rêxistinbîyayîş o.

 

Endama Komeleya Karkerê Ciwanan û nuştoxa Rojnameya Meydan Merve Demîre tevgerê karkerê anarşîst qalî kerde û goreyê ewnîyayîşê anarşîst ewnîyayîşê ewro hemver sendîkawanî va. Merve arde ziwan ke tarixê sinifa karkeran de 1ê Gulane girîng a û va 1886 de çalakiyê Chîcago-Haymarket û karkerê anarşîst yê înan rêxistin kerdibî tena yew nê nimûneyan ra ya.

 

‘Sendîka seba anarşîzmî rêxistinbîyayîşêke xoser a'

 

Merve da zanayîş ke sendîka seba anarşîzmî rêxistibîyayîşêke xoser a û wina va: "Sendîkabîyayîş de di hetê cîya estê. Hetêke rêxistinbîyayîşê xoser ê karkeran pawenê û heto bin ra zî rêxistinê karkeran bi partî ya zî bi bernameyê înan rê girê danê.Karkerê bi îdeolojiyê anarşizmî xo rêxistin kenê lazimî bi têkiliyê burokratîk çinyê.”

 

Merve dewamê qiseykerdişê xo de da zanayîş ke gerek merdimî ferasetê sendîkayê vatişê dewlete nêvejênê biewnê û va nê sendîkayî tarîxê têkoşînê karkeran bêpar ê û her sendîka tekelê dewlete xelas nêbenê mahkumê ke açeryê sendîkabîyayîşê ewroyîn.

 

Merve tewr peynî qiseykerdişê xo de wina va: "Bindest seba probleman mecbur manenê çareserî bigîrê. Gerek merdimî dewlete ra çîyêke nêpawê û gerek merdimî hemverê bêhuqûqî xo ver bidê."