Rojda Aydin

 

AMED - Şikefta tarîxî Eshab-ı Kehf ke dinya de 33 û Tirkîya de zî 4 ci ra estê, Licê de her serre berê xo serdayîş rê akena û emsar zî bende serdayîşî ya.

 

Şikefta tarîxî Eshab -I Kehf ke qezaya Amedî Licê de ya, her serre qezaya Amedî Licê de hetê seyan kesî ra yena zîyaretkerdiş. Şikefta bi nameyê Eshab - I Kehf ke 15 kîlometre dûrê Licê dewa Derkamê de ya ke bi nameyê xo bîn sey Şikefta 7 kesê rakewtişî yena zanayîş. Goreyê hîkayeya şikefte yena vatiş ke komêke 7 kesan ra ameya meydan şikeftê xo komelî dûr fînay û bi serran tede rakewte mendê. Her çiqas na hîkayeye hetê komelî ra cîya yena vatiş zî wayîrê eynî taybetmendîyan a.

 

Hîkayeya 7 merdiman 

 

7 kesê ke hîkaye de qalê bahsê înan yeno kerdiş sey kesê ke nêzdîyê hukumdar (fermandar) ê yenê nasnayîş. Nameyê nê ciwanan Yemlîha, Meselîna, Mîslîna, Mernuş, Debernûş û Sazenuş o. Dimayê ke fermandarê wextî nê kesan rê pûtperestî ferz keno, nê ciwanî leşkerê fermandarê şiwanî bi nameyê Kefeştertayyuş û kutikê ey zî gênê mîyanê xo. Goreyê ke yeno vatiş nê kesê ke mabêne 200 û 300 serran de konê hewn dima ra Yemlîha dimayê serran şîyar beno verê xo dano bajar û vîneno ke bajar, merdimî û pereyî xeylê vuryayê. Wexto ke Yemlîha wazeno nan bigîro pereyê seba ke zaf wextê verê de mendo, nanpewc şaş maneno û wazeno ey bero verê kralê o wextî la Yemlîha xo bi zor xelesneno û reyna ageyreno şikefte û bi embazanê xo dir reyna kono ra. Hemwelatî na rewşe sey mucîze vînenê û her serre şîkefte zîyaret kenê.

 

28ê Gulane de mîhrîcane yena viraştiş

 

Verê Licê yê Amedî de Avşîn, Selçûk û Tarsûs de zî eynî bi name zîyaretî estê. Licê de bi şahîya ke her serre yenê kerdiş de Şikefta Eshab-I Keyf emsar zî benda serdayîşan a.