ÎZMÎR - Koma ‘Ro taxê rê embaz’ merdiman bi muzîkî anê yew het û Merve Satiya kome de dana tef ro, dîyar kena ke gerek tewr zêde muzîkjenê cinî kuçeyan de yê.

 

Koma muzîkî yê 8 kesan ameya meydan û tay înan ra unîversîta ra mezun ê, hîn hema wanenê û hîn zî xebityenê. Bi nameyê ‘Ro taxe rê embaz' kuçeyê Konakî de merdiman bi coşê muzîkî dir anê têhet. Albumêke kome 5 kilaman ameyo meydan esto. Kome kilamê Aşik Mahsunî, Pîr Sultan Abdal û Neşet Ertaşî ra zî kilaman vanê û bi ziwanê laz û Kurdî heta xeylê ziwanê bînan wayîrê repertuarêke hîray.

 

‘Hûmara cinîyan kêm a'

 

Merve Sati ya ke kome de dana tef ro dîyar kena ke ganî tewr zêde cinî kuçe de ca bigîrê. Merveya ke Unîversîteya Ege de wanena, dîyar kerde ke bi no hewa merdiman dir konê têkilî û vatî nê reaksîyonê zaf pozîtîf gênê. Merve eynî wextî de ana ziwan ke hûmara cinîyê kuçeyan danê enstruman ro zaf tayê. 

 

'Şar piştdayîş dano ma'

 

Merve bale ante ser problemê kuçeyan de cuwîyenê û va: “Muzîkê kuçe zaf eleqe vîneno. Zabitayî benê problem la şar pişte ma de yo. Ganî muzîkê kuçeyan cidî bêro girewtiş. Pêwa goşdarwanan reaksîyonê pozîtîf mojnenê ra zî cidî nînê girewtiş."