Medîne Mamedoglu

 

AMED - Komkerdişê nebatê bi şifa, yew parçeyê cuya komunal ê cinîyan o. Bi ameyîşê wisarî dir cinîyê Farqînî vejyayî koyan û beyaran, pîya nebatê şîfa kom kenê.

 

Bi varana wisarî dir koyan û qerajan de pincar, catrî, kereng, ribêz, gulik, rêbaz û bi desan tewir nebatî sifreyê Farqînijan xemilnenê. Cinîyê tewr zêde krîzê enomî cuwîe, nê nebatî benê çimeyê debara înan.

 

Kader Ayhanli ke bi cinîyê dewe dir koyan de pincar kom kena wina vana: "Ma her serre wina kenê. Wisar de ma pincar kom kenê. Tena pincar nê, nebatê bin zi kom kenê. Bi desan tewirî bîn yê nêweşîyan rê şîfa kom kenê. Ma heme vîtamînê xoza ra feyde gênê. Ma hîn pewcnenê û hîn zî kal wenê.

 

'Ma bi heme cinîyan dir kom kenê'

 

Kadere ard ziwan ke no parçeyêke cuya komunale û wina va: "Ma heme cinîyê dewe pîya şinê. Cinîyê dewe bîn zî yenê. Ma yenê têhet, hem boya xo danê û hem zî karê xo kenê. Ma pîya benê hetkar."