MÊRDÎN - Derheqê kesê dewaya Nisêbînî de ameyê muhakemekerdiş de 'cezaya muebetê giran' yena waştiş û 'delîlê esas' yê îdianame zî îfadeyê binê îşkence de ameyê dayîş de yenê mojnarayîş. Jiyan Aye mîyanê hepsîyan de ya, derheqê aye de dewaya îstîmlakî amebî akerdiş û dadgehe no îfade 'bê erj' dî.

 

Nisêbînê Mêrdînî 14ê Adara 2016 de wextê qedexeyê tebervejyayîşê kuçeyan de 70 kesê ke 17 ci ra domanî bî ameybî  tahlîyekerdiş û ameybî tewqîfkerdiş. Tepiştiş de rastê îşkenceyê giran ameybî û nika bi muebetê giran yenê muhakemekerdiş. Dosya de 'delîlê esas' îfadeyê binê îşkence de ameyî dayîş mojnayî. Dewa 4in dadgeha cezaya giran de dewam kena û hepsîyan îfadeyê ke binê îşkence de dabî peyser antî. Hepsîyan waşt ke îdianame na gore ra bêro amadekerdiş. La waştişî nêameyî qebulkerdiş.

 

Mabêne di dadgehan de nakokî

 

Nakokîyê muhakeme de zî îfade û qerarê dozgerî û dadgehan de vejênê meydan. Derheqê Jiyan Ay de dewayêke aye cîya 2yîn Dadgeha Cezaya Giran ya Mêrdînî de amî dîyayîş de 13 serrî û 4 aşmî ceza amî birnayîş. Jiyane xendek û barîkatan ra berpirsîyar amî vînayîş û qerarê bi sebeb yê dewa de ame vatiş ke wextê qedexeyê Nisêbînî bîyo û rêçe engişta aye kaxidêke de esta.

 

Her çiqas Jiyane va şahidê ke derheqê aye de îfade dayê nas nêkena zî ame vatiş ke  'xora îfadeyê şahidan bê erjo'. La sey ke yeno zanayîş ke dewaya komî de seba nê îfadeyan 'cezaya muebetî' yena waştiş.