ÎZMÎR - Hemwelatîyan reaksîyon hemverê faaliyetê înşaatê yê sere de dorê warê Fuarê Kulturparkî yê Îzmîrî û xeylê cayê bînî dayî û vatî: "Îzmîr êdî bajarê behrî ra vejya yo. Yê pere danê awanîyê 30 kat bi rehetî viraznenê. Ma nêwazenê sey Enqere ya zî Stenbol bimro."

 

Reaksîyonê hemwelatîyê Îzmîrî hemverê falîyetê înşaatî dewam keno. Hemwelatîyan bale ante ser xirabîyayîşê bajar û dîyar kerdî ke ê nêwazenê Îzmîr zî sey Stenbol herre û zergûnayî ra bêpar bimano û na babete de zî îqtîdarê mintiqa hişyar kenê. 

 

Cinîya bi nameyê Ferîze Kuşçu dîyar kerde ke lazimîya kesî bi rezîdans û AVMyan çin o û wina va: "No proje seba şarî nîyê. Heme cuya mi tîya derbaz bî. Cayê ke şar şino girewte yê. Saetê akerdişê fuarî kêm kerdê. Eleqeyê kesî nêmend. Merdim tena seba seyrane yenê. Warê seyrane çinbibayne zî ganî biameyne. Ganî nê cayî nêrê fedakerdiş. Gerek Îzmîr zî sey jî Stenbol û Enqere nêmiro."

 

'Çinkerdişê tîya kiştişê bajarî yo'

 

Melek Cîhane zî da zanayîş ke Kulturparq bi zanebîyayîş nasnamebîyayîşê Îzmîrî ra yeno vetiş û va nika tena cayê merdim şêrê tena Lunapark mendê û wina va: "Lunapark zî wirzê do şar şêro ça? Tu cayê ma nêmendê. Rewşa AKPî weçînayîşê 24ê Hezîrane qezenc bikero do darî bêrê birnayîş. Wa kes nêro kayan."

 

Funda Erbakane zî va wazena ke Kulturpaqî de seba cinî û domanan faliyet zêde bibê û îlankerdişê bernameyê Kulturparqî baş nînê kerdiş û va eke no park şêro do cuwîyayîş bimro. 

 

Sema Aktuluk zî reaksîyon hemverê hedîse de û va ganî tarîxê Îzmîrî biameyne pawitiş û va Îzmîr êdî bajarê behrî ra vejyaw.