AMED - Hepisxaneyê Tarsûsî de teda û îhlalkerdişê heqan dewam keno. Avûkat Selçuk Bînîcî bale ante serê caardişê kêfî û dîyar kerd ke her koxuşe de tewr tay di domanî bi maya xo dir manenê û va rewşa 5 hepsîyan zî giran a. 

 

Hepisxaneyê Tarsûsî de teda û şîdet hepsîyan ser dewam keno. Yew avûkatanê ÎHDî yê Mersînî ra Selçuk Bînîcî teda û îhlalkerdişê heqan ê hepisxanî qalî kerd. 

 

'Her koxuşe de tewr tay di domanî estê'

 

Goreyê zanayîşê avûkatan dayê rojê vîyarte de 13 hepsîyê cinî hemverê cezayê hucre kewtê grevê vêşanî yê 3 rojan û dimayê 3 rojan çalakî bi peynî kerdê. Ame vatiş ke yew problemêke tewr girîng ê hepsîyan cilê yew reng û caardişê hûmartişê verê înan dês de yo. Avûkatan dîyar kerd ke koxuşî serê kapasîteyê înan de pir bîyê û tewr tay di domanî zî her koxuşêke de estê. Avûkatan da zanayîş ke rewşa 5 hepsîyê nêweş zî giran a û Sîsê Bîngol bi hetkarîya hepsîyan şina lavabo.

 

Grevê 15ê Adare de ame destpêkerdiş peynî bi û ame zanayîş ke îhlalkerdişî seba peynî bê 15ê Adare de çalakîya grevê vêşanî amebî destpêkerdiş û 23 roj ra dima peynî bîya.

 

Ame vatiş ke hetê Cigêrayîşê Hepsîyan ê Şubeyê  ÎHD yê Mersînî no raporî de derheqê îhlalkerdişê ke ameyê amadekerdiş do raya pêroyî rê bêrê parekerdiş.