AMED - Rojnameger Oya Baydare dîyar kerde ke bi qasê bêvengkerdişê çapemenîye, viraştişê xeberê zuran zî problem o û wina va: "Dimayê hêrişê Tirkîya hemverê Efrînî ra dima û derheqê sîyasetê mintiqa de bi tu xebere ra gerek merdimî bawer nêkerê. La no wina do dewam nêkero. Ez fikrîyena ke ma do bi xeberdarîya înternetî gamêke girîng bierzê."

 

Bi sebebê OHALî tedayê serê çapemenî dewam kenê û no prosesî de 148 rojnamegerî ameyî tepiştiş û 115 sazgehê çapemenî ameyî girewtiş. Rojnameger Oya Baydare tedayê serê çapemenîye şîrove kerde û dîyar kerde ke îqtîdar ke nêeşkeno çapemenîya azad bigîro, verê xo dayo Koma Medya Dogan.

 

Oya arde ziwan ke Tirkîya de çapemenî her wext binê tedayan de bîya û bi taybetî zî dimayê rojnamegerî kewta patronê ke nînê zanayîş teda zêde bîyê. Oya da zanayîş ke bi îlankerdişê OHALî dir proses tewr giran bîyo û wina va: "Rojnamegerî seba ke karê xo bi ca ardê ameyî tepiştiş. Serê çapemenî de verê sansur û tedayan otosansur zî yeno kerdiş."

 

'Wazenê çapemenîya azad bêveng bikerê'

 

Oya da zanayîş ke bi girewtişê Koma Dogan Medya dir teda tewr zêde bîyê û û Dogan Medya ne xoser û bêhet a û babeta kurd û averşîyayîşê ke yenê cuwîyayîş de rojnamegerîyêke bi het meşnena. Oya dîyar kerde ke no semed ra wazenê çapemenîya azad zî bi pêroyî de bêveng bikerê.

 

Oya peynîye qiseykerdişê xo de va, bi warê bêvengkerdişê çapemenî, vilakerdişê xeberê zuran problemêke girîng o û va: "Dimayê hêrişê Tirkîya hemverê Efrînî ra dima û derheqê sîyasetê mintiqa de bi tu xeberan ganî merdim bawer nêkerê. La no wina do dewam nêkero. Ez fikrîyena ke ma do bi xeberdarîya înternetî hemleyêke girîng bierzê."