AMED - Endama Merkezê Heqê Domanan ê Amedî Asye Demîre, dîyar kerde ke projeyê qanûnê îstîsmarê zayendî yê AKPî pêşkêşê Meclîsî kerdo çareserî esas nêgîno û va proje de domanî nînê fikrnayîş.

 

Endama Merkezê Heqê Domanan ê Baroyê Amedî Asye Demîre xesênayîşê kîmyayî û vurnayîşê projeyî ameyo kerdiş de şîrove kerde. Asye dîyar kerde ke no heta 5 serran dewam keno û va: "No caardişê ceza dimayê 5 serran ra dima bandure xo vinî keno. Sererastkerdişê goreyê waştişê sucdar û raporê heyetê pispor virazêno. Bê îfadeyê gumanbar hekîm eşkeno mudaxale bikero. Wexto ke no verê çiman de bêro girewtiş, mojneno ke xesênayîşê kîmyayî çareserî nîyo."

 

'Cezayê pere vernîye îstîsmarî nêgînê'

 

Asye dewam de da zanayîş ke vurnayîşêke bîn ê girîng o yo ke zêdekerdişê cezaya pere yê nukteya ke fuhuş serê domanan de ferz keno û va vera pere ganî gumanbar bi cezayê giran bêrê cezakerdiş. Asye dîyar kerde ke cezayê pereyan vernîye îstîsmarî nêgînê.

 

Asye dewamê qiseykerdişê xo de da zanayîş ke sererastkerdişê domanan nêameyê fikrnayîş û bale ante serê qedexeyê çapemenî yê projeyî de û va no xesasîyetê raya pêroyî kêm keno.